തലയോലപ്പറമ്പ് . വേനൽമഴയ്ക്കൊപ്പമെത്തിയ ശക്തമായ കാറ്റിൽ വീട് തകർന്നു. സംഭവ സമയത്ത് വീട്ടുകാർ ബന്ധുവീട്ടിൽ കല്യാണത്തിന് പോയതിനാൽ വൻഅപകടം ഒഴിവായി. വെള്ളൂർ പഞ്ചായത്ത് വരിക്കാംകുന്ന് മൂത്തേലിൽ ജയകുമാറിന്റെ വീടാണ് കഴിഞ്ഞ ദിവസം വൈകിട്ട് ഉണ്ടായ ശക്തമായ കാറ്റിലും മഴയിലും തകർന്നത്. ഓട് മേഞ്ഞ വീടിന്റെ മേൽക്കൂര ഉൾപ്പടെ പൂർണമായും നിലം പൊത്തി. ഇലക്ട്രിക്ക് ഉപകരണങ്ങളും ഫർണിച്ചറുകളും ഉൾപ്പടെയുള്ളവ നശിച്ചു. ഭാര്യയും രണ്ടു മക്കളുമടങ്ങുന്ന നിർദ്ധന കുടുംബം ജയകുമാറിന്റെ കൂലിപ്പണിയിൽ നിന്ന് കിട്ടുന്ന തുച്ഛമായ വരുമാനത്തിലാണ് നിത്യചെലവ് കഴിച്ചിരുന്നത്. സമീപത്തെ ബന്ധുവീട്ടിലേക്ക് ഇവർ താമസം മാറ്റി. പഞ്ചായത്ത്, വില്ലേജ് അധികൃതർ സ്ഥലം സന്ദർശിച്ചു.