Kerala Kaumudi Online
Sunday, 26 May 2019 10.40 PM IST

ഗോഡ്സെ രാജ്യസ്നേഹിയെന്ന പരാമർശം ഇന്ത്യയുടെ ആത്മാവിനെ മുറിവേൽപ്പിച്ചെന്ന് കോൺഗ്രസ്

congress

ന്യൂഡൽഹി: ഗാന്ധിഘാതകൻ നാഥുറാം വിനായക ഗോഡ്സേ രാജ്യസ്നേഹിയാണെന്ന പ്രഗ്യ സിംഗ് ഠാക്കൂറിന്റെ പരാമർശം ഇന്ത്യയുടെ ആത്മാവിനെ മുറിവേൽപ്പിച്ചുവെന്ന് കോൺ​ഗ്രസ്. പ്രഗ്യയുടെ പ്രസ്താവന രാജ്യത്തെ അപമാനിക്കുന്നതും ​ഗാന്ധിജിയുടെ പ്രത്യയശാസ്ത്രത്തെ അധിക്ഷേപിക്കുന്നതാണെന്നും കോൺഗ്രസ് വക്താവ് രൺദീപ് സിംഗ് സുർജേവാല പറഞ്ഞു. ഗാന്ധിജിക്ക്​ നേരെ വാക്കുകൾ കൊണ്ട്​ വെടിയുതിർക്കുകയാണ്​ ബി.ജെ.പി. ഇതിന്​ രാജ്യം മാപ്പുനൽകില്ലെന്നും അദ്ദേഹം പറഞ്ഞു


അതേസമയം പ്രഗ്യ സിഗിന്റെ പ്രസ്താവനയോടുള്ള പ്രധാനമന്ത്രി നരേന്ദ്രമോദിയുടെയും അമിത് ഷായുടെയും നിലപാട് വ്യക്തമാക്കി മാപ്പ് പറയണമെന്ന് ഭോപ്പാലിലെ കോൺഗ്രസ്​ സ്ഥാനാർത്ഥിയും മുതിർന്ന നേതാവുമായ ദ്വിഗ്​വിജയ്​ സിംഗ് ആവശ്യപ്പെട്ടു. പ്രഗ്യയുടെ പ്രസ്താവനയെ താൻ ശക്തമായി അപലപിക്കുന്നതായും അദ്ദേഹം പറഞ്ഞു. ഗോഡ്സേ ഒരു കൊലയാളിയാണ്​. അയാളെ പ്രകീർത്തിക്കുന്നത്​ ദേശസ്​നേഹമല്ല രാജ്യദ്രോഹമാണെന്നും ദ്വിഗ്​ വിജയ്​ സിംഗ് കൂട്ടിച്ചേർത്തു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, SADHVI PRAGYA SINGH THAKUR, CONGRESS, BJP, RANDEEP SINGH SURJEWALA
KERALA KAUMUDI EPAPER
VIDEOS
PHOTO GALLERY