തിരുവനന്തപുരം: കേരളസർവകലാശാല നവംബറിൽ നടത്തിയ ഒന്നാം വർഷ ബി.ബി.എ. ആന്വൽ സ്‌കീം പ്രൈവ​റ്റ് രജിസ്‌ട്രേഷൻ റെഗുലർ, ഇംപ്രൂവ്‌മെന്റ്, സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്‌മപരിശോധനയ്‌ക്കും മേയ് 10 വരെ അപേക്ഷിക്കാം.

നവംബറിൽ നടത്തിയ മൂന്ന്, നാല് സെമസ്​റ്റർ ബി കോം (വിദൂരവിദ്യാഭ്യാസം) ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്‌മപരിശോധനയ്‌ക്കും ഓൺലൈനായി മേയ് 9 വരെ അപേക്ഷിക്കാം.

രണ്ടാം സെമസ്​റ്റർ ബി.വോക് ഫുഡ് പ്രോസസിംഗ് (359), ബി.വോക് ഫുഡ് പ്രോസസിംഗ് ആൻഡ് മാനേജ്‌മെന്റ് (356) കോഴ്സുകളുടെ പരീക്ഷകൾ മേയ് 9 മുതൽ തുടങ്ങും.

മേയ് 5 മുതൽ ആരംഭിക്കുന്ന ആറാം സെമസ്​റ്റർ സി.ബി.സി.എസ് ബി.എസ്‌സി (റെഗുലർ - 2019 അഡ്മിഷൻ, സപ്ലിമെന്ററി - 2018, 2017 അഡ്മിഷൻ, മേഴ്സിചാൻസ് - 2014 അഡ്മിഷൻ) ബയോകെമിസ്ട്രി, മൈക്രോബയോളജി, ജിയോളജി, പോളിമർ കെമിസ്ട്രി, ഹോം സയൻസ് എന്നീ കോഴ്സുകളുടെ പ്രാക്ടിക്കൽ പ്രോജക്ട്/ഡിസർട്ടേഷൻ പരീക്ഷകളുടെ ടൈംടേബിൾ പ്രസിദ്ധീകരിച്ചു.

മേയ് 9 മുതൽ ആരംഭിക്കുന്ന ആറാം സെമസ്​റ്റർ സി.ബി.സി.എസ് ബി കോം (എഫ്.ഡി.പി.) (റെഗുലർ - 2019 അഡ്മിഷൻ, സപ്ലിമെന്ററി - 2018, 2017 അഡ്മിഷൻ, മേഴ്സിചാൻസ് - 2014 അഡ്മിഷൻ) കോഴ്സിന്റെ പ്രാക്ടിക്കൽ/പ്രോജക്ട്/ഡിസർട്ടേഷൻ പരീക്ഷകളുടെ ടൈംടേബിൾ പ്രസിദ്ധീകരിച്ചു.

ആറാം സെമസ്​റ്റർ ബി.പി.എ വീണ, വയലിൻ പരീക്ഷകളുടെ പ്രാക്ടിക്കൽ മേയ് 9 മുതൽ തിരുവനന്തപുരം സ്വാതി തിരുനാൾ സംഗീത കോളേജിൽ വച്ച് നടത്തും.

ആറാം സെമസ്​റ്റർ ബി.എസ്‌സി ബയോകെമിസ്ട്രി ആൻഡ് ഇൻഡസ്ട്രിയൽ മൈക്രോബയോളജി (248) (കോർ ബയോകെമിസ്ട്രി, വൊക്കേഷണൽ മൈക്രോബയോളജി) പരീക്ഷകളുടെ പ്രാക്ടിക്കൽ മേയ് 9 മുതലും, ബി.വോക് സോഫ്​റ്റ്‌വെയർ ഡെവലപ്പ്‌മെന്റ് (351), ബി.വോക് ടൂറിസം ആന്റ് ഹോസ്പി​റ്റാലി​റ്റി മാനേജ്‌മെന്റ് (352) കോഴ്സുകളുടെ പ്രാക്ടിക്കൽ/വൈവ പരീക്ഷകൾ മേയ് 4 മുതലും നടത്തും.

മേയിൽ നടത്തുന്ന ഒന്നാം സെമസ്​റ്റർ എം.എ/എം.എസ്‌സി/എം കോം/എം.എസ് ഡബ്ല്യൂ. (റെഗുലർ - 2021 അഡ്മിഷൻ, ഇംപ്രൂവ്‌മെന്റ്/സപ്ലിമെന്ററി - 2020 അഡ്മിഷൻ, സപ്ലിമെന്ററി - 2018 & 2019 അഡ്മിഷൻ) (ന്യൂ ജനറേഷൻ കോഴ്സുകൾ ഒഴികെ) പരീക്ഷയ്‌ക്ക് പിഴകൂടാതെ മേയ് 3 വരെയും 150 രൂപ പിഴയോടെ മേയ് 4 വരെയും 400 രൂപ പിഴയോടെ മേയ് 6 വരെയും അപേക്ഷിക്കാം.