മലപ്പുറം : ഏഴുഗോളുകൾകൊണ്ടൊരു സന്തോഷ മഴവില്ലൊരുക്കി കേരളം ഒരിക്കൽക്കൂടി സന്തോഷ് ട്രോഫി ഫൈനലിൽ പ്രവേശിച്ചപ്പോൾ പകരക്കാരനായി ഇറങ്ങി അഞ്ചുഗോളുകൾ അടിച്ചുകൂട്ടി ജെസിൻ സൂപ്പർ താരവുമായി.

മഞ്ചേരി പയ്യനാട് സ്റ്റേഡിയത്തിൽ മൂന്നിനെതിരെ ഏഴുഗോളുകൾക്കാണ് ആതിഥേയർ ഇന്നലെ ആറാടിയത്. 28-ാം മിനിട്ടിൽ പകരക്കാരനായി ഇറങ്ങി അഞ്ചുഗോളുകളുമായി കളം നിറഞ്ഞ ജെസിനാണ് കേരളത്തിന്റെ വിജയശിൽപ്പി. കേരളത്തിന്റെ വലകുലുക്കി കർണാടകം സ്കോറിംഗിന് തു‌ടക്കമിട്ടെങ്കിലും ജെസിൻ മാലപ്പടക്കം പോലെ ഗോളടിച്ചുകൂട്ടിയാണ് കേരളത്തെ മുന്നിലെത്തിച്ചത്. ആദ്യ പകുതിയിൽതന്നെ ജെസിൻ ഹാട്രിക്ക് പൂർത്തിയാക്കിയിരുന്നു. 35,41,44 മിനിട്ടുകളിലായാണ് ഹാട്രിക്ക് തികച്ച ജെസിൻ 56,71മിനിട്ടുകളിൽ വീണ്ടും വലകുലുക്കി.45-ാം മിനിട്ടിൽ ഷിഗിലും 62-ാം മിനിട്ടിൽ അർജുൻ ജയരാജുമാണ് മറ്റു ഗോളുകൾ നേടിയത്.

കനത്ത ചൂടിനെ പോലും വക വെക്കാതെ പയ്യനാട് ഗാലറിയിൽ ജനങ്ങൾ തിങ്ങി നിറഞ്ഞപ്പോൾ ഇന്നലെ രാത്രി പെയ്തിറങ്ങിയത് ഗോൾ മഴയായിരുന്നു. കർണാടക്ക് വേണ്ടി സൊലൈമലൈ, സുധിർ കൊട്ടിക്കെല, പി.കമലേഷ് എന്നിവർ ഒാരോ ഗോളുകൾ നേടി.

ആ​ദ്യ​ ​പ​കു​തി​യു​ടെ​ ​ആ​ദ്യ​ ​പ​ത്ത് ​മി​നി​ട്ട് ​ഇ​രു​ ​ടീ​മു​ക​ൾ​ക്കും​ ​കാ​ര്യ​മാ​യ​ ​മു​ന്നേ​റ്റ​മു​ണ്ടാ​ക്കാ​നാ​യി​രു​ന്നി​ല്ല.​ ​ക​ളി​യു​ടെ​ ​അ​ഞ്ചാം​ ​മി​നി​ട്ടി​ൽ​ ​കേ​ര​ള​ത്തി​ന് ​ആ​ദ്യ​ ​ഗോ​ള​വ​സ​രം​ ​ല​ഭി​ച്ചെ​ങ്കി​ലും​ ​പാ​ഴാ​യി.​ ​ബോ​ക്സി​ന് ​പു​റ​ത്ത് ​നി​ന്ന് ​നി​ജോ​ ​ഗി​ൽ​ബെ​ർ​ട്ട് ​ന​ൽ​കി​യ​ ​പാ​സു​മാ​യി​ ​സ​ഹ​താ​ര​ത്തി​ന് ​മു​ന്നേ​റാ​നാ​യി​ല്ല.​ ​കേ​ര​ള​ത്തി​ന് ​ല​ഭി​ച്ച​ ​ര​ണ്ട് ​ഗോ​ള​വ​സ​ര​ങ്ങ​ൾ​ക്ക് ​ഓ​ഫ് ​സൈ​ഡും​ ​വി​ന​യാ​യി.​ 14-ാം​ ​മി​നി​ട്ടി​ൽ​ ​കേ​ര​ള​ത്തി​ന്റെ​ ​ഡി​ഫ​ൻ​ഡ​ർ​ ​മു​ഹ​മ്മ​ദ് ​സ​ഹീ​ഫെ​ടു​ത്ത​ ​കോ​ർ​ണ​ർ​ ​കി​ക്കും​ ​ല​ക്ഷ്യം​ ​ക​ണ്ടി​ല്ല.​ ​
25-ാം​ ​മി​നി​ട്ടി​ൽ​ ​ക​ർ​ണാ​ട​ക​ ​കേ​ര​ള​ത്തി​നെ​തി​രെ​ ​ആ​ദ്യ​ ​ഗോ​ൾ​ ​നേ​ടി.​ ​ബോ​ക്സി​ന് ​വ​ല​ത് ​വ​ശ​ത്ത് ​നി​ന്ന് ​സൊ​ലൈ​മ​ലൈ​ ​ന​ൽ​കി​യ​ ​പാ​സ് ​ ​ ​സു​ധീ​‌​ർ​ ​കൊ​ട്ടി​ക്കെ​ല​ ​ഗോ​ൾ​ ​പോ​സ്റ്റി​ലേ​ക്ക് ​അ​ടി​ക്കു​ക​യാ​യി​രു​ന്നു.​ 28-ാം​ ​മി​നി​ട്ടി​ൽ​ ​കേ​ര​ളം​ ​ടി.​കെ​ ​ജെസി​നെ​ ​ഇ​റ​ക്കി​ ​ക​ള​ത്തി​ൽ​ ​പ​രീ​ക്ഷ​ണം​ ​ന​ട​ത്തി.​ ​​വി​ഘ്നേ​ഷി​ന് ​പ​ക​ര​മാ​ണ് ​ജെസി​നെ​ ​ഇ​റ​ക്കി​യ​ത്.​ 32-ാം​ ​മി​നി​ട്ടി​ൽ​ ​ക​ർ​ണാ​ട​ക​യു​ടെ​ ​ബോ​ക്സി​ലെ​ത്തി​യ​ ​പ​ന്തെ​ടു​ക്കാ​ൻ​ ​ജെസി​ൻ​ ​ഓ​ടി​യെ​ത്തി​യെ​ങ്കി​ലും​ ​പാ​ഴാ​വു​ക​യാ​യി​രു​ന്നു.​ 34-ാം​ ​മി​നി​ട്ടി​ൽ​ ​ക​ർ​ണാ​ട​ക​ക്ക് ​കേ​ര​ള​ത്തി​ന്റെ​ ​ബോ​ക്സി​ൽ​ ​ഗോ​ള​വ​സ​രം​ ​ല​ഭി​ച്ചെ​ങ്കി​ലും​ ​ല​ക്ഷ്യം​ ​കാ​ണാ​നാ​യി​ല്ല.​ 35-ാം​ ​മി​നി​ട്ടി​ൽ​ ​കേ​ര​ളം​ ​ക​ർ​ണാ​ട​ക​ക്കെ​തി​രെ​ ​ആ​ദ്യ​ ​ഗോ​ൾ​ ​നേ​ടി​ ​സ​മ​നി​ല​ ​പി​ടി​ച്ചു.​ ​ബോ​ക്സി​ലേ​ക്ക് ​ല​ഭി​ച്ച​ ​പ​ന്ത് ​ജെസി​ൻ​ ​ഓ​ടി​യെ​ത്തി​ ​വ​ല​ത് ​വിം​ഗി​ൽ​ ​നി​ന്ന് ​ഷോ​ട്ടെ​ടു​ത്താ​ണ് ​വ​ല​ ​കു​ലു​ക്കി​യ​ത്.​ 37-ാം​ ​മി​നി​ട്ടി​ൽ​ ​ക്യാ​പ്ട​ൻ​ ​ജി​ജോ​ ​ജോ​സ​ഫ് ​മി​ഡ് ​ഫീ​ൽ​ഡ​ർ​ ​നി​ജോ​ ​ഗി​ൽ​ബ​ർ​ട്ടി​ന് ​പാ​സ് ​ന​ൽ​കി​യെ​ങ്കി​ലും​ ​മു​ന്നേ​റ്റ​ത്തി​ന് ​ക​ർ​ണാ​ട​ക​യു​ടെ​ ​താ​രം​ ​വി​ല​ങ്ങാ​യി.​ 41-ാം​ ​മി​നി​ട്ടി​ൽ​ ​ജെ​സി​ൻ​ ​ത​ന്നെ​ ​കേ​ര​ള​ത്തി​ന് ​വേ​ണ്ടി​ ​ര​ണ്ടാം​ ​ഗോ​ളും​ ​ല​ക്ഷ്യം​ ​ക​ണ്ടു.​ ​അ​ധി​കം​ ​വൈ​കാ​തെ​ 44-ാം​ ​മി​നി​ട്ടി​ൽ​ ​ജെ​സി​ൻ​ ​മൂ​ന്നാം​ ​ഗോ​ളു​മ​ടി​ച്ച് ​ക​ർ​ണാ​ട​ക​യു​ടെ​ ​ഗോ​ൾ​ ​വ​ല​ ​കു​ലു​ക്കി​യ​തോ​ടെ​ ​കേ​ര​ള​ത്തി​ന്റെ​ ​ര​ണ്ടാ​മ​ത് ​ഹാ​ട്രി​ക് ​താ​ര​മാ​യി​ ​ജ​സി​ൻ​ ​മാ​റി.​ ​ജെസി​നെ​ടു​ത്ത​ ​കി​ക്ക് ​ഗോ​ൾ​ ​കീ​പ്പ​ർ​ ​ത​ടു​ത്തി​ട്ടെ​ങ്കി​ലും​ ​ത​ന്റെ​ ​കാ​ലി​ൽ​ ​ല​ഭി​ച്ച​ ​പ​ന്ത് ​വീ​ണ്ടും​ ​പോ​സ്റ്റി​ലേ​ക്ക​ടി​ച്ചാ​ണ് ​ജെ​സി​ൻ​ ​മൈ​താ​ന​ത്ത് ​വീ​ണ്ടും​ ​ആ​വേ​ശ​മാ​യി​ ​മാ​റി​യ​ത്. 45-ാം​ ​മി​നി​ട്ടി​ൽ​ ​കേ​ര​ളം​ ​നാ​ലാ​മ​ത് ​ഗോ​ളും​ ​ല​ക്ഷ്യം​ ​ക​ണ്ടു.​ ​ ​നി​ജോ​ ​ഗി​ൽ​ബെ​ർ​ട്ട് ​ന​ൽ​കി​യ​ ​പാ​സ് ​അ​ണ്ട​ർ​ 21​ ​താ​രം​ ​ഷി​ഗി​ൽ​ ​ഗോ​ൾ​ ​പോ​സ്റ്റി​ലേ​ക്ക് ​ആ​ഞ്ഞ​ടി​ക്കു​ക​യാ​യി​രു​ന്നു.

രണ്ടാം പകുതിയുടെ 54ാം മിനിട്ടിൽ കർണാടക കേരളത്തിനെതിരെ രണ്ടാം ഗോൾ നേടി. മദ്ധ്യ ഭാഗത്ത് നിന്ന് മിഡ് ഫീൽഡർ കമലേഷെടുത്ത ലോംഗ് റേഞ്ചർ ഗോൾ പോസ്റ്റിന്റെ വലത് മൂലയിൽ തറക്കുകയായിരുന്നു. 56ാം മിനിട്ടിൽ കേരളത്തിന് വേണ്ടി ജെസിൻ തന്നെ അഞ്ചാം ഗോളും നേടി. ഗ്രൗണ്ടിന്റെ മദ്ധ്യ ഭാഗത്ത് നിന്ന് തന്നെ പന്ത് കാൽപാദങ്ങളിലാവാഹിച്ച് ബോക്സ് വരെ മുന്നേറ്റം നടത്തിയാണ് ഇത്തവണ ജെസിൻ ലക്ഷ്യം കണ്ടത്. 62ാം മിനിട്ടിൽ കേരളം ആറാമത്തെ ഗോളും നേടി ഗാലറിയെ ആവേശത്തിലാക്കി. ഡിഫൻഡർ സോയൽ ജോഷി ബോക്സിന് പിറക് വശത്ത് നിന്ന് നൽകിയ പാസാണ് അർജുൻ ജയരാജ് കർണാടകയുടെ ഗോൾ പോസ്റ്റിലെക്കെടുത്തത്. 71ാം മിനിട്ടിൽ കേരളത്തിന്റെ പ്രതിരോധ നിരയുടെ പിഴവ് മുതലെടുത്ത് കർണാടക മൂന്നാം ഗോളും നേടി. മിഡ് ഫീൽഡർ സൊലൈമലൈ ആണ് ബോക്സിന് പുറത്ത് നിന്നെടുത്ത ലോംഗ് റേഞ്ചർ ഗോളാക്കി മാറ്റിയത്. 74ാം മിനിട്ടിൽ ജെസിനെത്തി ഏഴാം ഗോളും പോസ്റ്റിലേക്ക് അടിച്ച് കയറ്റി. ബോക്സിന് പിറക് വശത്ത് നിന്ന് സഹതാരം നൽകിയ പാസ് ജെസിൻ ഗോൾ വലയിലെത്തിക്കുകയായിരുന്നു. മത്സരത്തിന്റെ അവസാനം കർണാടകക്ക് നിരവധി അവസരങ്ങൾ ലഭിച്ചെങ്കിലും ലക്ഷ്യം കാണാനായില്ല.

എൻ.ജോസിന് ശേഷം സന്തോഷ് ട്രോഫിയിൽ ഒരു മത്സരത്തിൽ അഞ്ചു ഗോളുകൾ നേടുന്ന താരമാണ് ജെസിൻ.

കേരളം 15ാം തവണയാണ് സന്തോഷ് ട്രോഫി ഫൈനലിലെത്തുന്നത്.

ആറ് തവണ സന്തോഷ് ട്രോഫി നേടിയ കേരളത്തിന് ഇത്തവണ ഫൈനലിൽ മണിപ്പൂരോ പശ്ചിമ ബംഗാളോ ആയിരിക്കും എതിരാളികൾ

മേയ് രണ്ടിന് മഞ്ചേരിയിലാണ് ഫൈനൽ.

ഗാലറി വസന്തം

ലോകകപ്പ് ഫുട്ബാൾ സ്റ്റേഡിയങ്ങളിൽ കണ്ടു വരുന്ന അണയാത്ത ഗാലറി ആവേശത്തിന് പയ്യനാട് സ്റ്റേഡിയം ഇന്നലെയും സാക്ഷ്യം വഹിച്ചു. ഗാലറി നിറഞ്ഞ് കവിഞ്ഞപ്പോൾ ആരാധകർ പിന്നീട് കളി കാണാൻ സ്ഥലം കണ്ടെത്തിയത് ഫെൻസിംഗിന് ചാരിയുള്ള സ്ഥലമായിരുന്നു. ചെറിയ ഇടവേളകളെടുത്ത് ഗാലറിയിൽ മൊബൈൽ ഫ്ലാഷ് ലൈറ്റുകൾ കത്തിച്ച് തിരമാല ഉയർത്തിയത് ഇന്നലെ കൂടുതൽ ആവേശമായി മാറി.