തിരുവനന്തപുരം:രാജ്യത്താകെയുള്ള വൈദ്യുതിക്ഷാമം കാരണം സംസ്ഥാനത്ത് മൂന്ന് ദിവസമായി രാത്രിയിൽ ഏർപ്പെടുത്തിയ 15മിനിറ്റ് ലോഡ് ഷെഡിംഗ് പിൻവലിച്ചു.

19 താപനിലയങ്ങളിൽ മൂന്നെണ്ണം കൽക്കരി ക്ഷാമം മൂലം ഉത്പാദനം നിറുത്തിയതാണ് പ്രതിസന്ധിയുണ്ടാക്കിയത്.

പവർ എക്സ്ചേഞ്ചിൽ നിന്ന് 17 രൂപ നിരക്കിൽ 100 മെഗാവാട്ടും 4ന് ഉദ്ഘാടനം ചെയ്യാനിരുന്ന പെരിങ്ങൽകുത്ത് പദ്ധതി ഇന്നലെ പ്രവർത്തനം തുടങ്ങി 24 മെഗാവാട്ടും കോഴിക്കോട് നല്ലളം താപനിലയം അടിയന്തിരമായി ഉത്പാദനം പുനരാരംഭിച്ച് 90 മെഗാവാട്ടും ജാർഖണ്ഡിലെ മൈഥോൺ നിലയം 135മെഗാവാട്ടും ഉൾപ്പെടെ 350മെഗാവട്ട് ഇന്നലെ ലഭ്യമാക്കിയതോടെയാണ് പ്രതിസന്ധി മറികടന്നത്.

400മെഗാവാട്ടിന്റെ കുറവാണ് രാത്രിയിലുള്ളത്. വൈകിട്ട് 6 മുതൽ 11വരെ വൈദ്യുതി ഉപഭോഗം നിയന്ത്രിക്കണമെന്ന് കെ.എസ്.ഇ.ബി.യും വൈദ്യുതിമന്ത്രി കെ.കൃഷ്ണൻകുട്ടിയും അറിയിച്ചു.

മേയിൽ വൈദ്യുതി ക്ഷാമം കടുക്കുമെന്ന് കെ.എസ്.ഇ.ബി.ഡയറക്‌ടർ ബോർഡ് വിലയിരുത്തി. 70 ശതമാനവും താപനിലയങ്ങളിലെ വൈദ്യുതിയാണ് കേരളത്തിൽ. താപ വൈദ്യുതി 20% കൂടി കുറഞ്ഞാൽ നിയന്ത്രണം കടുക്കും. ഇതൊഴിവാക്കാൻ കായംകുളം നാഫ്‌ത നിലയം പ്രവർത്തിപ്പിക്കാനും അരുണാചലിൽ നിന്ന് സാപ് വഴി 550മെഗാവാട്ട് കൊണ്ടുവരാനും നടപടിയായി. താപനിലയങ്ങൾ പ്രവർത്തിപ്പിക്കാൻ കേരളം പ്രധാനമന്ത്രിക്കും കേന്ദ്രഉൗർജ്ജമന്ത്രിക്കും കത്തെഴുതും.

ലോഡ് ഷെഡിംഗിലും കുതിച്ച് ഉപഭോഗം

വെള്ളിയാഴ്ച 92.88 ദശലക്ഷം യൂണിറ്റായിരുന്നു ഉപഭോഗം. ഇത് സർവ്വകലാ റെക്കോഡാണ്. ഇന്നലെ 90.42ദശലക്ഷം യൂണിറ്റായിരുന്നു.

വൻകിടക്കാർ മടങ്ങി വന്നു

പവർ എക്സ്ചേഞ്ചിലും കൽക്കരിക്ഷാമം പിടിമുറുക്കിയതോടെ പുറമെ നിന്ന് യൂണിറ്റിന് 17 രൂപയ്ക്ക് വൈദ്യുതി കൊണ്ടുവന്ന വൻകിട വ്യവസായികൾ കെ.എസ്.ഇ.ബിയിലേക്ക് മടങ്ങിവന്നു. കെ.എസ്.ഇ.ബി. നൽകുന്നത് ആറുരൂപയ്ക്കും. ഇതോടെ 125മെഗാവാട്ടിന്റെ അധികബാദ്ധ്യതയുണ്ടായി.കമ്മി നേരിടാൻ രാത്രി ഉപഭോഗം നിയന്ത്രിക്കാൻ വൻകിടക്കാരോട് പറഞ്ഞിട്ടുണ്ട്.

ബാദ്ധ്യത 50കോടി

വൻവിലയ്ക്ക് വൈദ്യുതി വാങ്ങിയതിലൂടെ സംസ്ഥാനത്തിന്റെ അധിക ബാദ്ധ്യത 50കോടി രൂപയായി. ഇത് ഇനിയും വർദ്ധിക്കും. ദിവസം ഒന്നര കോടിയാണ് അധികച്ചെലവ്.ഇത് സർചാർജ്ജായി പിന്നീട് വൈദ്യുതി ബില്ലിൽ കയറും.

ക്ഷാ​മം​ ​പ​രി​ഹ​രി​ക്കാ​ൻ​ ​വൈ​ദ്യു​തി
വാ​ങ്ങാ​ൻ​ ​ന​ട​പ​ടി​:​ ​കൃ​ഷ്ണ​ൻ​കു​ട്ടി

പാ​ല​ക്കാ​ട്:​ ​സം​സ്ഥാ​ന​ത്തെ​ ​വൈ​ദ്യു​തി​ ​പ്ര​തി​സ​ന്ധി​ക്ക് ​ഉ​ട​ൻ​ ​പ​രി​ഹാ​രം​ ​കാ​ണു​മെ​ന്ന് ​മ​ന്ത്രി​ ​കെ.​ ​കൃ​ഷ്ണ​ൻ​കു​ട്ടി​ ​പ​റ​ഞ്ഞു.​ ​നി​ല​വി​ലെ​ ​വൈ​ദ്യു​തി​ ​ക്ഷാ​മം​ ​പ​രി​ഹ​രി​ക്കു​ന്ന​തി​ന് ​അ​ധി​കം​ ​തു​ക​ ​ന​ൽ​കി​ ​വൈ​ദ്യു​തി​ ​വാ​ങ്ങു​ന്ന​തി​ന് ​ന​ട​പ​ടി​ ​സ്വീ​ക​രി​ച്ചു.​ ​പ്ര​തി​സ​ന്ധി​ ​ത​ര​ണം​ ​ചെ​യ്യു​ന്ന​തി​ന് ​വൈ​ദ്യു​തി​ ​ഉ​പ​യോ​ഗം​ ​കു​റ​ച്ച് ​ജ​ന​ങ്ങ​ൾ​ ​സ​ഹ​ക​രി​ക്ക​ണം.​ ​ക്ഷാ​മം​ ​മ​റി​ക​ട​ക്കാ​ൻ​ ​ന​ല്ല​ളം​ ​താ​പ​നി​ല​യ​ത്തി​ൽ​ ​വൈ​ദ്യു​തി​ ​ഉ​ത്പാ​ദ​നം​ ​ഉ​ട​ൻ​ ​തു​ട​ങ്ങും.​ ​അ​തി​ര​പ്പി​ള്ളി​ ​ഒ​ഴി​കെ​യു​ള്ള​ ​ജ​ല​ ​വൈ​ദ്യു​ത​ ​പ​ദ്ധ​തി​ക​ൾ​ ​വേ​ഗ​ത്തി​ൽ​ ​ന​ട​പ്പി​ലാ​ക്കി​ ​വൈ​ദ്യു​തി​ ​ക്ഷാ​മ​ത്തി​ന് ​ശാ​ശ്വ​ത​ ​പ​രി​ഹാ​രം​ ​കാ​ണാ​നാ​ണ് ​സ​ർ​ക്കാ​ർ​ ​ശ്ര​മി​ക്കു​ന്ന​തെ​ന്നും​ ​മ​ന്ത്രി​ ​പാ​ല​ക്കാ​ട്ട് ​മാ​ദ്ധ്യ​മ​ങ്ങ​ളോ​ട് ​പ​റ​ഞ്ഞു.