ചേർത്തല: കാവുങ്കൽ എന്റെ ഗ്രാമം കൂട്ടായ്മ - തേർഡ് ഐ വിഷൻ കാവുങ്കൽ സംരംഭത്തിൽ മണ്ണഞ്ചേരി പൊലീസ് സ്റ്റേഷൻ അധികൃതരുടെ സഹായത്തോടെയും പൊതുജനങ്ങളുടെ സഹകരണത്തോടെയും കാവുങ്കലിലും സമീപ പ്രദേശങ്ങളിലും സ്ഥാപിച്ച 25 നിരീക്ഷണ കാമറകളുടെ സ്വിച്ച് ഓൺ ജില്ലാ പൊലീസ് ചീഫ് ജി.ജയദേവ് നിർവഹിച്ചു. ഞാറകുളങ്ങര പട്ടമന വെളിയിൽ നടന്ന ചടങ്ങിൽ ചീഫ് കോ-ഓർഡിനേറ്റർ സി.ജി.മധു കാവുങ്കൽ അദ്ധ്യക്ഷത വഹിച്ചു. ഗാനരചയിതാവ് രാജീവ് ആലുങ്കൽ മുഖ്യ പ്രഭാഷണം നടത്തി. ജി.ജയതിലകൻ സ്വാഗതവും മണ്ണഞ്ചേരി സ്റ്റേഷൻ ഹൗസ് ഓഫീസർ പി.കെ.മോഹിത് , എസ്.ഐ കെ.ആർ.ബിജു, പി.പി.സുധീർ നടുവിലേച്ചിറ, ഡി.പ്രതാപൻ,കെ.ജി.വിദ്യാസാഗർ,മനോജ് പന്തലിപ്പറമ്പ് തുടങ്ങിയവർ സംസാരിച്ചു. തേർഡ് ഐ വിഷൻ മൂലേക്കാവ്,ഞാറകളങ്ങര, പനയിൽ ഫാക്ടറി ജംഗ്ഷൻ എന്നീ യൂണിറ്റുകളുടെ കീഴിൽ സ്ഥാപിച്ചവയാണ് ഉദ്ഘാടനം നടത്തിയ കാമറകൾ. ഇതോടെ കാവുങ്കലിൽ ആകെ സ്ഥാപിച്ച കാമറകളുടെ എണ്ണം 48 ആയി. ആദ്യഘട്ടത്തിൽ 23 കാമറകൾ സ്ഥാപിച്ചിരുന്നു. 16 കാമറകൾ കൂടി അടുത്ത ഘട്ടത്തിൽ പദ്ധതിയുടെ ഭാഗമായി സ്ഥാപിക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |