 ഉപഭോക്താക്കളുടെ എണ്ണത്തിലും ആഭരണവില്പനയിലും വൻ വളർച്ച

കോഴിക്കോട്: അക്ഷയതൃതീയ ദിനത്തിൽ മലബാർ ഗോൾഡ് ആൻഡ് ഡയമണ്ട്‌സിൽ നിന്ന് ആഭരണങ്ങൾ വാങ്ങാനെത്തിയ ഉപഭോക്താക്കളുടെ എണ്ണത്തിലും ആഭരണവില്പനയിലും വൻ വളർച്ച. ഇന്ത്യയിലെയും വിദേശത്തെയും ഷോറൂമുകളിലായി 930 കോടി രൂപയുടെ വില്പനയുണ്ടായി.

ഉപഭോക്താക്കൾക്കായുള്ള പ്രത്യേക ഓഫറുകൾ, ഓൺലൈൻ ഓഫറുകൾ, സ്വർണവിലയുടെ അഞ്ചുശതമാനം മുൻകൂർ അടച്ചുള്ള ബുക്കിംഗ് സൗകര്യം എന്നിവയാണ് നേട്ടമായത്. ഇന്ത്യയ്ക്ക് പുറമേ അമേരിക്ക, സിംഗപ്പൂർ, ഗൾഫ് എന്നിവിടങ്ങളിലും ഷോറൂമുകളിൽ വൻ തിരക്കനുഭവപ്പെട്ടു. ഡയമണ്ട്, ലൈറ്റ്‌വെയിറ്റ് സ്റ്റഡഡ് ആഭരണങ്ങൾക്കും ആവശ്യക്കാർ ഏറെയുണ്ടായി.

ഉത്തരവാദിത്വപ്പെട്ട ജുവലറി ഗ്രൂപ്പെന്ന നിലയിൽ 100 ശതമാനം വിശ്വസ്തവും സുതാര്യവുമായ സേവനത്തിലൂടെ ഉപഭോക്താക്കളുടെ പ്രിയ ജുവലറിയായി മാറാൻ മലബാർ ഗോൾഡ് ആൻഡ് ഡയമണ്ട്‌സിന് കഴിഞ്ഞുവെന്നതിന്റെ തെളിവാണ് ഷോറൂമുകളിലെ തിരക്കെന്ന് മലബാർ ഗ്രൂപ്പ് ചെയർമാൻ എം.പി.അഹമ്മദ് പറഞ്ഞു.