ന്യൂഡൽഹി:ജുഡിഷ്യൽ ഓഫീസർമാരുടെ പെൻഷൻ വർദ്ധിപ്പിക്കാനുള്ള ഉത്തരവ് പാലിക്കാത്ത സംസ്ഥാനങ്ങൾ നാല് ആഴ്ച്ചയ്‌ക്കകം നടപ്പാക്കണമെന്ന് സുപ്രീം കോടതി. പത്ത് വർഷം മുമ്പ് 8-10-2012 ൽ സുപ്രീ കോടതി ഇറക്കിയ ഉത്തരവിൽ, 2004 ഫെബ്രുവരി 4 ന് കർണാടക സർക്കാർ പുറപ്പെടുവിച്ച ഉത്തരവ് മറ്റ് സംസ്ഥാനങ്ങൾക്കും സ്വീകരിക്കാമെന്ന് നിർദ്ദേശിച്ചിരുന്നു. ഡൽഹി, മഹാരാഷ്ട്ര, ഒറീസ, കേരളം എന്നീ സംസ്ഥാനങ്ങൾ ഉത്തരവ് പാലിച്ചിട്ടില്ലെന്ന് ഹർജിക്കാരന്റെ അഭിഭാഷകൻ കോടതിയെ അറിയിച്ചു. ഈ സംസ്ഥാനങ്ങളിലെ ചീഫ് സെക്രട്ടറിമാരോട് അടുത്ത വാദം കേൾക്കുന്ന ദിവസം കോടതിയിൽ ഹാജരാകാൻ നിർദ്ദേശിക്കണമെന്നും അദ്ദേഹം ആവശ്യപ്പെട്ടു. അനുസരിച്ചില്ലെങ്കിൽ അടുത്ത തവണ നോക്കാമെന്ന് കോടതി പറഞ്ഞു.