കഴിഞ്ഞ വർഷം ഏറെ ചർച്ച ചെയ്ത തമിഴ് ചിത്രം ജയ് ഭീമിന്റെ നിര്മ്മാതാക്കള്ക്കെതിരായ പരാതിയില് കേസെടുക്കാൻ കോടതി ഉത്തരവ്. ചിത്രം തങ്ങളുടെ സമുദായത്തിന്റെ വികാരത്തെ മുറിപ്പെടുത്തുന്നതാണെന്ന് ചൂണ്ടിക്കാട്ടി രുദ്ര വണ്ണിയാര് സേന നൽകിയ ഹർജിയിലാണ് കോടതി ഉത്തരവ്. ഇതിനെത്തുടർന്ന് ചിത്രത്തിന്റെ നിർമ്മാതാക്കളായ നടൻ സൂര്യയ്ക്കും ഭാര്യയും നടിയുമായ ജ്യോതികയ്ക്കുമെതിരെ പൊലീസ് കേസെടുക്കും.
മെട്രോപൊളിറ്റന് മജിസ്ട്രേറ്റ് കോടതിയാണ് കേസില് എഫ്.ഐ.ആര് ഇടാന് വേളച്ചേരി പൊലീസ് ഇന്സ്പെക്ടര്ക്ക് നിര്ദേശം കൊടുത്തിരിക്കുന്നത്.
രുദ്ര വണ്ണിയാര് സേനയുടെ സ്ഥാപകന് അഡ്വ. കെ സന്തോഷ് നായ്ക്കരാണ് കോടതിയെ സമീപിച്ചത്. വണ്ണിയാര് സമുദായത്തിന്റെ മണ്മറഞ്ഞ നേതാവ് ഗുരു ഗോത്രവിഭാഗത്തിനെതിരെ പ്രവര്ത്തിച്ച ആളാണെന്നും വണ്ണിയാര് സമുദായം നിയമം അനുസരിക്കാത്തവരാണെന്നും സിനിമ ചിത്രീകരിച്ചിരിക്കുന്നെന്ന് സന്തോഷ് നായ്ക്കരുടെ ഹര്ജിയില് ചൂണ്ടിക്കാട്ടുന്നു. ഹിന്ദുത്വത്തിനും വണ്ണിയര്മാര്ക്കുമെതിരെ വെറുപ്പ് സൃഷ്ടിക്കുന്നതും സാമുദായിക മൈത്രിയെ അലോസരപ്പെടുത്തുന്നതുമായ രംഗങ്ങള് സിനിമയിലുണ്ടെന്നും ഹര്ജിയിലുണ്ട്.
ഇന്ത്യന് ശിക്ഷാനിയമത്തിലെ 153 (കലാപം ഉണ്ടാക്കാന് മനപ്പൂര്വ്വമായ പ്രകോപനം സൃഷ്ടിക്കല്), 153 എ (1) (വ്യത്യസ്ത വിഭാഗങ്ങള്ക്കിടയില് ശത്രുത സൃഷ്ടിക്കല്), 499 (മാനനഷ്ടം), 503 (ഭീഷണിപ്പെടുത്തല്), 504 (സമാധാനം തകര്ക്കാന് മനപൂര്വ്വമായ അധിക്ഷേപിക്കല്) അടക്കമുള്ള വകുപ്പുകള് അനുസരിച്ച് ചിത്രത്തിന്റെ നിര്മ്മാതാക്കള്ക്കെതിരെ ശിക്ഷാനടപടി സ്വീകരിക്കണമെന്ന് ഹര്ജിയില് ആവശ്യപ്പെടുന്നു. അഞ്ച് പ്രവൃത്തി ദിവസങ്ങള്ക്കകം എഫ്.ഐ.ആര് സമര്പ്പിക്കാനാണ് കോടതി പൊലീസിനോട് ആവശ്യപ്പെട്ടിരിക്കുന്നത്.ത സെ ജ്ഞാനവേല് രചനയും സംവിധാനവും നിര്വഹിച്ചിരിക്കുന്ന ചിത്രം ലീഗല് ഡ്രാമ വിഭാഗത്തില് പെടുന്ന ഒന്നാണ്.
അടിച്ചമര്ത്തപ്പെട്ടവര്ക്കുവേണ്ടി പ്രവര്ത്തിക്കുന്ന ചന്ദ്രു എന്ന വക്കീല് കഥാപാത്രത്തെയാണ് സൂര്യ ചിത്രത്തില് അവതരിപ്പിച്ചിരിക്കുന്നത്. ആമസോണ് പ്രൈമിലൂടെ 2021 നവംബറിലായിരുന്നു ജയ് ഭീമിന്റെ റിലീസ്. ചിത്രത്തിലെ മലയാളി താരം ലിജോമോളിന്റെ അഭിനയം ശ്രദ്ധ നേടിയിരുന്നു
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |