ബിജെപി സംസ്ഥാന അദ്ധ്യക്ഷൻ കെ സുരേന്ദ്രന്റെ മകൻ ഹരികൃഷ്ണന്റെ വിവാഹ ചടങ്ങിൽ എത്തിയ മമ്മൂക്കയുടെ ചിത്രങ്ങൾ ഏറ്റെടുത്ത് ആരാധകർ. വൈറ്റ് ഷർട്ടിൽ സിംപിളും സ്റ്റൈലിഷുമായാണ് മമ്മൂട്ടി വിവാഹവേദിയിൽ എത്തിയത്. ഇതിനോടകം തന്നെ അദ്ദേഹത്തിന്റെ ചിത്രവും വീഡിയോയും വൈറലായിക്കഴിഞ്ഞു.

കഴിഞ്ഞ ദിവസം കോഴിക്കോട് ആശീർവാദ് ലോൺസിൽ വച്ചായിരുന്നു ഹരികൃഷ്ണന്റെയും ദിൽനയുടെയും വിവാഹം. വിവാഹവേദിയിലെത്തി വധൂവരന്മാരെ അനുഗ്രഹിച്ച ശേഷമാണ് മമ്മൂട്ടി മടങ്ങിയത്. നിരവധി പ്രമുഖരും വിവാഹത്തിൽ പങ്കെടുക്കാൻ എത്തിയിരുന്നു.