ആലപ്പുഴ: അവധിക്കാല അദ്ധ്യാപകസംഗമത്തിന്റെ ജില്ലാതല ശാക്തീകരണത്തിന്റെ ഭാഗമായി വിദ്യാർത്ഥികളുടെ പ്രശ്‌നങ്ങൾ കേട്ടറിയാൻ ഗൃഹസന്ദർശനം നടത്തി അദ്ധ്യാപകർ. ജില്ലയിലെ 11 സബ് ജില്ലകളിൽ നിന്നുള്ള യു.പി മലയാളം അദ്ധ്യാപകരാണ് 'കുട്ടിയെ അറിയുക പദ്ധതിയുടെ ഭാഗമായി രംഗത്തിറങ്ങിയത്. അമ്പലപ്പുഴ സബ് ജില്ലയിലെ വിവിധ സ്‌കൂളുകളിലെ വിദ്യാർത്ഥികളുടെ വീടുകൾ സന്ദർശിച്ച്, അവരുടെ പ്രശ്‌നങ്ങൾ ചോദിച്ച് മനസിലാക്കി. അമ്പലപ്പുഴ ബി.ബി.സി ജി.സുമംഗലി, എ.ഇ.ഒ ദീപ റോസ്, അദ്ധ്യാപക പരിശീലകരായ ആശാ രാഘവൻ, ജോജി കൂട്ടുമ്മൽ , ലിൻസി തോമസ് എന്നിവർ നേതൃത്വം നൽകി.