തിരുവനന്തപുരം : തൃക്കാക്കര നിയമസഭാ ഉപതിരഞ്ഞെടുപ്പിൽ നാമനിർദ്ദേശ പത്രിക സമർപ്പണം പൂർത്തിയായി. ഡമ്മി സ്ഥാനാർത്ഥികൾ അടക്കം ആകെ 19 സ്ഥാനാർത്ഥികളാണ് പത്രിക സമർപ്പിച്ചത്. ഇടതുമുന്നണി സ്ഥാനാർത്ഥി ഡോ. ജോ ജോസഫിന് അപര ഭീഷണിയുണ്ട്. ചങ്ങനാശേരി സ്വദേശി ജോമോൻ ജോസഫാണ് അപരൻ. പരിസ്ഥിതി പ്രവർത്തകൻ ജോൺ പെരുവന്താനവും തൃക്കാക്കരയിൽ മത്സരിക്കാനായി പത്രിക സമർപ്പിച്ചിട്ടുണ്ട്.
ഉപതിരഞ്ഞെടുപ്പ് വരണാധികാരിക്കു മുമ്പിൽ ആകെ 29 സെറ്റ് പത്രികകളാണ് എത്തിയത്. മത്സരാർത്ഥികളുടെ എണ്ണം 19 ആണെങ്കിലും പലരും ഒന്നിലേറെ സെറ്റ് പത്രിക നൽകിയതാണ് ഇതിന് കാരണം. യു.ഡി,എഫ്, എന്,ഡി,എ സ്ഥാനാര്ഥികള്ക്ക് അപര ഭീഷണി ഇല്ല.
മുമ്പ് പാലായില് ജോസ് ടോം മല്സരിച്ചപ്പോഴും ചങ്ങനാശേരിയില് ജോബ് മൈക്കിള് മല്സരിച്ചപ്പോഴും ജോമോന് ജോസഫ് അപരനായി പത്രിക നൽകിയിരുന്നു.വെണ്ണലയിലെ കോണ്ഗ്രസ് പ്രവര്ത്തകന് എന്നവകാശപ്പെട്ട ടോം കെ ജോര്ജും പത്രിക നല്കിയിട്ടുണ്ട്. . ഉമയുടെ സ്ഥാനാര്തിത്വത്തിൽ പ്രതിഷേധിച്ചാണ് മത്സരമെന്ന് ടോം പറയുന്നെങ്കിലും ഇങ്ങനെയൊരു പ്രവര്ത്തകനെ അറിയില്ലെന്നാണ് കോണ്ഗ്രസ് നേതൃത്വത്തിന്റെ വിശദീകരണം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |