കൊല്ലം: സംസ്ഥാനത്തെ തുറമുഖ വകുപ്പ് ജീവനക്കാർക്ക് ശമ്പളം നൽകാനുള്ള നടപടികൾ സർക്കാർ ഉടൻ സ്വീകരിക്കണമെന്ന് കേരള എൻ.ജി.ഒ അസോസിയേഷൻ ജില്ലാ കമ്മിറ്റി ആവശ്യപ്പെട്ടു. ബഡ്ജറ്റിൽ ശമ്പളത്തിന് ആവശ്യമായ തുക നീക്കിവയ്ക്കാതിരുന്നതാണ് ഈ അവസ്ഥയ്ക്ക് കാരണം. തുറമുഖ വകുപ്പ് മാരിടൈം ബോർഡാക്കിയപ്പോൾ ജീവനക്കാരെ സർക്കാർ മേഖലയിൽ നിലനിറുത്തിയിരുന്നു. എന്നാൽ ബഡ്ജറ്റിൽ പദ്ധതിയിതര ചെലവുകളിൽ തുക വകയിരുത്തിയിരുന്നില്ല. സർക്കാരിന് നിവേദനം നൽകിയെങ്കിലും നടപടി ഉണ്ടായില്ല. അസോ. ജില്ലാ പ്രസിഡന്റ് ജെ. സുനിൽജോസ് അദ്ധ്യക്ഷനായി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |