തിരുവനന്തപുരം: സ്വാശ്രയ കോളേജുകളിലെ ഒഴിവുള്ള ആയുർവേദ, സിദ്ധ, യുനാനി സീറ്റുകളിലേക്ക് www.cee.kerala.gov.in വെബ്സൈറ്റിൽ ഇന്ന് രാവിലെ പത്തുവരെ ഓപ്ഷൻ രജിസ്ട്രേഷൻ നടത്താം. കീമിലേക്ക് നേരത്തേ അപേക്ഷിച്ചവർക്കും ഓപ്ഷൻ നൽകാം. ഇന്ന് വൈകിട്ട് അലോട്ട്മെന്റ് പ്രസിദ്ധീകരിക്കും. ഹെൽപ്പ് ലൈൻ: 0471 2525300
ബി.ടെക് ഈവനിംഗ് കോഴ്സ്
തിരുവനന്തപുരം: ബി.ടെക് ഈവനിംഗ് കോഴ്സിലേക്കുള്ള അപേക്ഷകൾ മേയ് 16 മുതൽ ജൂൺ 7 വരെ www.admissions.dtekerala.gov.in വെബ്സൈറ്റിൽ ഓൺലൈനായി നൽകാം. പൊതുവിഭാഗത്തിന് 800 രൂപയും പട്ടികജാതി/ പട്ടികവർഗ വിഭാഗത്തിന് 400 രൂപയുമാണ് അപേക്ഷാ ഫീസ്. ഓൺലൈനായും ഫീസ് അടക്കാം.
ആർ.സി.സിയിൽ
മൈക്രോബയോളജി പഠിക്കാം
തിരുവനന്തപുരം: റീജിയണൽ കാൻസർ സെന്ററിൽ (ആർ.സി.സി) അഡ്വാൻസ്ഡ് ട്രെയിനിംഗ് ഇൻ മൈക്രോബയോളജി പ്രോഗ്രാമിൽ അപേക്ഷ ക്ഷണിച്ചു. മേയ് 30 ന് വൈകിട്ട് നാലു വരെ അപേക്ഷിക്കാം. വിശദാംശങ്ങൾക്ക് www.rcctvm.gov.in
മത്സര പരീക്ഷകൾക്ക് സൗജന്യ പരിശീലനം
തിരുവനന്തപുരം: പട്ടികജാതി വികസന വകുപ്പിന്റെ മണ്ണന്തലയിലെ ഗവ. പ്രീ എക്സാമിനേഷൻ ട്രെയിനിംഗ് സെന്ററിൽ പത്താം ക്ളാസ്, പ്ലസ് ടു, ഡിഗ്രി ലെവൽ, കെ.എ.എസ് മത്സരപരീക്ഷകൾക്ക് സൗജന്യ പരിശീലനം നൽകും. തിരുവനന്തപുരം, കൊല്ലം, പത്തനംതിട്ട ജില്ലകളിലെ പട്ടികജാതി, പട്ടികവർഗക്കാർക്കും ഒരു ലക്ഷം രൂപ വരെ കുടുംബ വാർഷിക വരുമാനമുള്ള പിന്നാക്ക ന്യൂനപക്ഷ വിഭാഗക്കാർക്കും അപേക്ഷിക്കാം. താത്പര്യമുള്ളവർ ജാതി, വരുമാനം, വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ സഹിതം ജൂൺ 30ന് മുമ്പ് അപേക്ഷ നൽകണം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |