SignIn
Kerala Kaumudi Online
Monday, 04 July 2022 11.56 AM IST

ബലാത്സംഗ കേസ്: മന്ത്രി പുത്രനെ തേടി ഡൽഹി പൊലീസ് ജയ്പൂരിൽ

pic

ന്യൂഡൽഹി: ബലാത്സംഗ കേസിൽ പ്രതിയായ രാജസ്ഥാൻ മന്ത്രി മഹേഷ് ജോഷിയുടെ മകൻ രോഹിതിനെ തേടി ഡൽഹി പൊലീസിന്റെ 15 അംഗ സംഘം ഇന്നലെ രാവിലെ ജയ്പൂരിലെത്തി.

ജയ്പൂരിലെ മന്ത്രിയുടെ രണ്ട് വസതികളിലെത്തിയെങ്കിലും പൊലീസിന് മന്ത്രി പുത്രനെ കണ്ടെത്താനായില്ല. രോഹിതിനായുള്ള തിരച്ചിൽ തുടരുകയാണെന്ന് ഡൽഹി പൊലീസ് പറഞ്ഞു. മേയ് 18നകം ഹാജരാകണമെന്നാവശ്യപ്പെട്ട് സമൻസ് അദ്ദേഹത്തിന്റെ വീട്ടിൽ പതിച്ചു.

കഴിഞ്ഞ വർഷം ജനവരി 8 നും ഈ വർഷം ഏപ്രിൽ 17 നുമിടയിൽ രോഹിത് വിവാഹ വാഗ്ദാനം നൽകി തന്നെ പല തവണ ബലാത്സംഗം ചെയ്തെന്ന് പരാതി നൽകിയ 23 കാരി പറയുന്നു. ഡൽഹിയിലെ സാദർ ബസാർ പൊലീസ് സ്‌റ്റേഷൻ പരിധിയിൽ നടന്ന ലൈംഗികാതിക്രമത്തെ കുറിച്ചും പരാതിയിലുണ്ട്. ഫേസ്‌ബുക്കിലൂടെ പരിചയപ്പെട്ട ഇയാൾ മദ്യം നൽകി തന്നെ പീഡിപ്പിച്ചെന്നും നഗ്നഫോട്ടോകളും വീഡിയോകളും കാട്ടി ഭീഷണി തുടർന്നെന്നും യുവതി ആരോപിച്ചു.

അതേ സമയം, രാജസ്ഥാൻ സർക്കാർ പ്രതിയെ രക്ഷിക്കാൻ ശ്രമിക്കുകയാണെന്ന് പ്രതിപക്ഷ നേതാവ് ഗുലാബ് ചന്ദ് കതാരിയ ആരോപിച്ചു. കേസിൽ ഊഹാപോഹങ്ങൾക്കും മാദ്ധ്യമ വിചാരണയ്ക്കും പകരം പൊലീസിനെ അവരുടെ ജോലി ചെയ്യാൻ അനുവദിക്കണമെന്ന് മന്ത്രി മഹേഷ് ജോഷി ആവശ്യപ്പെട്ടു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.