ന്യൂഡൽഹി:അതിശക്തമായ ഉഷ്ണതരംഗത്തിൽ ഡൽഹിക്ക് പൊള്ളുന്നു. ഇന്നലെ 49 ഡിഗ്രി സെൽഷ്യസ് ചൂടാണ് ഡൽഹിയിൽ രേഖപ്പെടുത്തിയത്. ഡൽഹിയുടെ വടക്ക് പടിഞ്ഞാറൻ പ്രദേശമായ മുൻഗേഷ്പൂരിൽ 49.2 ഡിഗ്രി സെൽഷ്യസും നജഫ്ഗാഹിൽ 49.1 ഡിഗ്രി സെൽഷ്യസുമാണ് താപനില. ഗുരു ഗ്രാമിൽ 48.1 ഡിഗ്രി സെൽഷ്യസാണ്..
ഈ വർഷം ഇതുവരെ രേഖപ്പെടുത്തിയതിൽ ഏറ്റവും ഉയർന്ന താപനിലയാണ് സഫ്ദർജംഗ് നിരീക്ഷണ കേന്ദ്രത്തിന്റെ കണക്ക് പ്രകാരം ഡൽഹിയിലുള്ളത്. ഞായറാഴ്ച രേഖപ്പെടുത്തിയ പരമാവധി താപനില 45.6 ഡിഗ്രി സെൽഷ്യസാണ്. ഇത് സാധാരണ രേഖപ്പെടുത്തുന്ന താപനിലയെക്കാൾ 5 പോയിന്റ് കൂടുതലാണ്. തുടർന്നുള്ള കുറച്ചുദിവസങ്ങളിൽ ഇടിമിന്നലും പൊടിക്കാറ്റുമുണ്ടാകുമെന്ന് കേന്ദ്രകാലാവസ്ഥാ വകുപ്പ് അറിയിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |