SignIn
Kerala Kaumudi Online
Wednesday, 06 July 2022 3.55 AM IST

കോടിയേരി ചികിത്സ കഴിഞ്ഞ് എത്തി

kodiyeri

തിരുവനന്തപുരം: അമേരിക്കയിലെ തുടർ ചികിത്സയ്ക്ക് ശേഷം സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ ഇന്നലെ പുലർച്ചെ തലസ്ഥാനത്ത് മടങ്ങിയെത്തി.

മക്കളും ബന്ധുക്കളും പ്രവർത്തകരും സ്വീകരിച്ചു.

മടങ്ങിയെത്തിയ ഉടൻ പരിപാടികളുടെ തിരക്കിലായി. ഇന്നലെ പട്ടികജാതി ക്ഷേമസമിതിയുടെ പ്രതിനിധി സമ്മേളനം ഉദ്ഘാടനം ചെയ്തു. പാർട്ടി പ്രവർത്തനങ്ങളിൽ സജീവമാകുന്ന കോടിയേരി ഇനി ഉപതിരഞ്ഞെടുപ്പ് നടക്കുന്ന തൃക്കാക്കരയിലും ശ്രദ്ധിക്കും.

ഏപ്രിൽ 30നാണ് ഹൂസ്റ്റണിൽ എം.ഡി ആൻഡേഴ്സൺ ആശുപത്രിയിൽ തുടർചികിത്സയ്ക്കും പരിശോധനയ്ക്കുമായി കോടിയേരി പോയത്. പാൻക്രിയാസിലെ അർബുദത്തിനാണ് ചികിത്സ. 2019 ഒക്ടോബറിലാണ് ആദ്യമായി ചികിത്സയ്ക്ക് അമേരിക്കയിലേക്ക് പോയത്. അന്നത്തെ പോലെ ഇത്തവണയും സംസ്ഥാനസെക്രട്ടറിയുടെ ചുമതല ആർക്കും കൈമാറിയില്ല. അന്ന് തിരിച്ചെത്തിയ അദ്ദേഹം തിരുവനന്തപുരത്ത് ചികിത്സ തുടർന്നു. വീണ്ടും വിദഗ്ദ്ധചികിത്സ വേണമെന്ന് നിർദ്ദേശമുണ്ടായെങ്കിലും പാർട്ടി സമ്മേളനങ്ങളുടെയും മറ്റും തിരക്കിൽ നീണ്ടുപോയി.

2020ൽ ആരോഗ്യകാരണങ്ങളാൽ കോടിയേരി ഒരു വർഷം സെക്രട്ടറിയുടെ ചുമതല താൽക്കാലികമായി ഒഴിഞ്ഞിരുന്നു. എ. വിജയരാഘവനായിരുന്നു പകരം ചുമതല.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KODIYERI
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.