റഷ്യ, യുക്രൈന് അധിനിവേശം ആരംഭിച്ച് ഏതാണ്ട് മൂന്ന് മാസം തികയാന് ദിവസങ്ങള് മാത്രം ബാക്കി ഉള്ളപ്പോള്, യൂറോപ്പിന്റെ വടക്കന് കിഴക്കന് മേഖലയില് റഷ്യ പുതിയൊരു യുദ്ധമുഖം തുറക്കുകയാണോയെന്ന ആശങ്കയിലാണ് ലോകം. ഫിന്ലന്റിന്റേയും സ്വീഡന്റേയും നാറ്റോ പ്രവേശന അപേക്ഷ, മേഖലയില് തെല്ലൊന്നുമല്ല ആശങ്ക സൃഷ്ടിച്ചിരിക്കുന്നത്. റഷ്യയുമായി 1300 കിലോമീറ്റര് അതിര്ത്തി പങ്കിടുന്ന രാജ്യമാണ് ഫിന്ലന്ഡ്. നാറ്റോ സൈനിക സഖ്യത്തില് ചേരാനുള്ള തീരുമാനം ഫിന്ലന്ഡ് പ്രഖ്യാപിച്ചതിന് പിന്നാലെ ഫിന്ലന്ഡ് അതിര്ത്തിയിലേക്ക് ആണവ പോര്മുനകള് വഹിക്കാന് ശേഷിയുള്ള ഇസ്കന്ദര് മിസൈലുകള് റഷ്യ അയച്ചു കഴിഞ്ഞു. ഒരു ഡസനിലധികം റഷ്യന് സൈനിക വാഹനങ്ങളാണ് റഷ്യ,ഫിന്ലാന്ഡ് അതിര്ത്തി ലക്ഷ്യമാക്കി നീങ്ങിയത്. ഫിന്നിഷ് അതിര്ത്തിയിലുള്ള റഷ്യന് നഗരമായ വൈബോര്ഗിലേക്കാണ് ഈ സൈനിക നീക്കം. മാത്രമല്ല, ഫിന്ലാന്ഡ് അതിര്ത്തിയില് ഹ്രസ്വദൂര ബാലിസ്റ്റിക് മിസൈലുകള് റഷ്യ ഇതിനകം വ്യാപകമായി വിന്യസിച്ചിട്ടുണ്ട്.
ഇങ്ങനെ വിന്യസിക്കപ്പെട്ട ഹ്രസ്വദൂര ബാലിസ്റ്റിക് മിസൈലുകള് ആണവ പേര്മുന വഹിക്കാന് ശേഷിയുള്ളതാണെന്ന് അന്തര്ദേശീയ മാധ്യമങ്ങള് റിപ്പോര്ട്ട് ചെയ്യുന്നു. റഷ്യ അതിര്ത്തിയില് ആണവായുധങ്ങളും ഹൈപ്പര് സോണിക് മിസൈലുകളും വിന്യസിക്കുമെന്ന് പ്രസിഡന്റ് വ്ളാദിമിര് പുതിന്റെ ഏറ്റവും അടുത്ത സഖ്യകക്ഷികളില് ഒരാള് നാറ്റോയ്ക്ക് മുന്നറിയിപ്പ് നല്കിയതിന് ദിവസങ്ങള്ക്ക് ശേഷമാണ് ഇത്തരം റിപ്പോര്ട്ടുകള് പുറത്തുവരുന്നത്. സ്വീഡനും ഫിന്ലന്ഡും യുഎസിന്റെ നേതൃത്വത്തിലുള്ള സൈനികസഖ്യത്തില് ചേരുകയാണെങ്കില്, ബ്ലാറ്റിക് കടല് പ്രതിരോധം ശക്തിപ്പെടുത്താന് റഷ്യ ആണവ, ഹൈപ്പര്സോണിക് മിസൈലുകള് അതിര്ത്തിയില് വിന്യസിക്കുമെന്ന് റഷ്യയുടെ സുരക്ഷാ കൗണ്സില് ഡെപ്യൂട്ടി ചെയര്മാന് ദിമിത്രി മെദ്വദേവ് കഴിഞ്ഞ മാസം മുന്നറിയിപ്പ് നല്കിയിരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |