നമുക്ക് നിസാരമെന്ന് തോന്നുന്ന പല കാര്യങ്ങളും ചിലർക്ക് വലിയ കാര്യങ്ങളായിരിക്കും. അത്തരത്തിലൊരു സംഭവത്തിന്റെ വീഡിയോയാണ് സോഷ്യൽ മീഡിയയിൽ വൈറലാകുന്നത്,​ അച്ഛൻ സെക്കൻഡ് ഹാൻഡ് സൈക്കിൾ വാങ്ങിയപ്പോൾ മകൻ സന്തോഷം കൊണ്ട് തുള്ളിച്ചാടുന്ന രംഗമാണ് വീഡിയോയിൽ കാണാവുന്നത്. ഐ.എ.എസ് ഓഫീസർ അവനീഷ് ശരൺ ട്വിറ്ററിൽ പങ്കുവച്ച വീഡിയോ ഇത് വരെ മൂന്നുലക്ഷത്തിലധികം പേരാണ് കണ്ടത്.

പിതാവ് സൈക്കിളിന് മുകളിൽ മാല ഇട്ട് തൊഴുന്നതും മകൻ സന്തോഷം കൊണ്ട് തുള്ളിച്ചാടുന്നതും വീഡിയോയിൽ കാണാം. മകനും അച്ഛനൊപ്പം സൈക്കിളിന് മുന്നിൽ നിന്ന് തൊഴുന്നുണ്ട്.. ഇത് ഒരു സെക്കൻഡ് ഹാൻഡ് സൈക്കിൾ മാത്രമാണ്. പക്ഷേ അവരുടെ മുഖത്തെ സന്തോഷം നോക്കൂ. ഒരു പുതിയ മെഴ്‌സിഡെസ് ബെൻസ് വാങ്ങിയ ഭാവമാണ് അവർക്ക്. അവനീഷ് ശരൺ കുറിച്ചു.

It’s just a second-hand bicycle. Look at the joy on their faces. Their expression says, they have bought a New Mercedes Benz.❤️ pic.twitter.com/e6PUVjLLZW

— Awanish Sharan (@AwanishSharan) May 21, 2022