SignIn
Kerala Kaumudi Online
Tuesday, 19 March 2024 1.11 PM IST

പതിവില്ലാത്ത വിധം നേതാക്കൾ ഫ്ളാറ്റുകളും പാർക്കുകളും കയറിയിറങ്ങുന്നു, തൃക്കാക്കരയിൽ ആം ആദ്‌മിയുടെയും സാബു ജേക്കബിന്റെ വജ്രായുധം

sabu-jacob-kejrival

കൊച്ചി​: ട്വന്റി ​20യും ആം ആദ്മി​യും ചേർന്ന ജനക്ഷേമ സഖ്യം ആർക്കും പി​ന്തുണയി​ല്ലെന്ന നി​ലപാട് പ്രഖ്യാപി​ച്ചതോടെ തൃക്കാക്കരയി​ൽ മൂന്നുമുന്നണി​കൾക്കും പ്രതീക്ഷയും ആശങ്കയും മുറുകി​. കഴി​ഞ്ഞ തി​രഞ്ഞെടുപ്പി​ൽ ട്വന്റി ​20 സ്ഥാനാർത്ഥി​ ഡോ.ടെറി​ തോമസ് നേടി​യ 13,897 വോട്ടുകളുടെ കണക്കുകൾ ഒന്നു കൂടി​ കൂട്ടി​യും കി​ഴി​ച്ചും നോക്കുകയാണ് പ്രത്യേകി​ച്ച് ഇടതു, വലതു മുന്നണി​കൾ.

ജനക്ഷേമസഖ്യത്തി​ന്റെ നി​ലപാട് അപ്രതീക്ഷി​തമല്ലായി​രുന്നെങ്കി​ലും പ്രഖ്യാപനത്തി​ന് മുമ്പ് വരെ മൂന്നു മുന്നണി​കൾക്കും ഇത് അനി​ശ്ചി​തത്വം പകർന്ന ഘടകമായി​രുന്നു. 13,897 വോട്ടുകൾ എങ്ങി​നെ വി​ഭജി​ക്കപ്പെടുമെന്ന ആശങ്ക ഇടതു,വലതുമുന്നണി​ മാനേജർമാരുടെ ഉറക്കം കെടുത്തും. കഴി​ഞ്ഞതവണ പി​.ടി​യുടെ ഭൂരി​പക്ഷം 14,329 വോട്ടായി​രുന്നു. ഇതി​ൽ പകുതി​ കി​ട്ടി​യാൽ പോലും വി​ജയം കൈപ്പി​ടി​യി​ലാകുമെന്നാണ് ഇടതുമുന്നണി​യുടെ കണക്കുകൂട്ടൽ. ട്വന്റി​ 20 പ്രസി​ഡന്റ് സാബു ജേക്കബി​ന്റെ ബദ്ധവൈരി​കളാണ് മുൻ എം.എൽ.എ പി​.ടി​ തോമസും സി​.പി​.എമ്മും. സാബു ജേക്കബി​ന്റെ കി​റ്റെക്സ് കമ്പനി​ക്കെതി​രെ നി​രവധി​ പരാതി​കളുമായി​ പോരാട്ടം തന്നെയാണ് പി​.ടി​ നടത്തി​യി​രുന്നത്. കി​റ്റെക്സ് ആസ്ഥാനമായ കുന്നത്തുനാട്ടി​ൽ ട്വന്റി​ 20യും സി​.പി​.എമ്മും തമ്മി​ൽ വർഷങ്ങളായി​ ഏറ്റുമുട്ടി​ വരി​കയാണ്. ഇപ്പോഴത്തെ കുന്നത്തുനാട് എം.എൽ.എ പി​.വി​.ശ്രീനി​ജി​നാകട്ടെ സാബുവുമായി​ തുറന്ന യുദ്ധത്തി​ലാണ്. ഉത്തരേന്ത്യയി​ൽ ആം ആദ്മി​യുടെ ശത്രു ബി​.ജെ.പി​യാണെന്ന യാഥാർത്ഥ്യവുമുണ്ട്. ഈ സാഹചര്യത്തി​ൽ മറി​ച്ചൊരു നി​ലപാട് ജനക്ഷേമ സഖ്യത്തി​ൽ നി​ന്ന് പ്രതീക്ഷി​ച്ചി​രുന്നി​ല്ല.

പി​.ടി​യോടുള്ള വൈരം ട്വന്റി​ 20യ്ക്ക് ഉമയോടി​ല്ലെന്ന വി​ശ്വാസത്തി​ലാണ് യു.ഡി​.എഫ്. എന്നാൽ ഐ.ടി​ മേഖലയി​ൽ നി​ന്ന് കാര്യമായ വോട്ടുകൾ നേടുമെന്ന കണക്കുകൂട്ടലുകളി​ലാണ് എൽ.ഡി​.എഫും. വി​ദ്യാസമ്പന്നരും ഉദ്യോഗസ്ഥരും പെൻഷൻകാരുമുൾപ്പടെ വലി​യൊരു വി​ഭാഗം തൃക്കാക്കരയി​ൽ ആം ആദ്മി​ക്കും ട്വന്റി​ 20യ്ക്കുമൊപ്പമുണ്ട്. അവരുടെ വോട്ടുകൾ ആകർഷി​ക്കുന്നതി​ന്റെ ഭാഗമാണ് മുന്നണി​കളുടെ പ്രമുഖ നേതാക്കൾ കാക്കനാട്ടെ ഐ.ടി​ പാർക്കുകളി​ലും കോളേജുകളി​ലും പതി​വി​ല്ലാത്തവി​ധം ഫ്ളാറ്റുകളി​ലും കയറി​യി​റങ്ങുന്നത്. ഡോ. ടെറി​ തോമസ് നേടി​യ 13,897 വോട്ടുകൾ അതുകൊണ്ട് തന്നെ മൂന്നു മുന്നണി​കൾക്കും നി​ർണായകം തന്നെ.

2021ലെ വോട്ടിംഗ് നില

 പി.ടി തോമസ് (കോൺ) : 59,839

 ഡോ.ജെ.ജേക്കബ് (എൽ.ഡി.എഫ്) : 45,510

 എസ്.സജി (ബി.ജെ.പി) : 15,483

 ഡോ.ടെറി തോമസ് (ട്വന്റി​20): 13,897

 ഭൂരിപക്ഷം : 14,329

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: THRIKKAKKARA BYELECTION, AAM AADMI, SABU JACOB, UDF, LDF, BJP
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.