കണ്ണൂർ: കണ്ണൂർ സിറ്റി പോലീസും ജില്ലാ ഭരണകൂടവും സംയുക്തമായി സംഘടിപ്പിക്കുന്ന മൺസൂൺ മാരത്തോൺ ലോഗോ പ്രകാശനം ചെയ്തു. കണ്ണൂർ സിറ്റി പൊലീസ് കമ്മീഷണർ ചേംബറിൽ നടന്ന ചടങ്ങിൽ സിറ്റി പോലീസ് കമ്മീഷണർ ആർ. ഇളങ്കോ തലശേരി സബ് കളക്ടർ അനുകുമാരിക്ക് കൈമാറി ലോഗോ പ്രകാശനം ചെയ്തു.
യുവതലമുറയിൽ ലഹരി വിരുദ്ധ ബോധവത്ക്കരണം നടത്തുന്നതിനാണ് മാരത്തോൺ സംഘടിപ്പിക്കുന്നത്. ജൂൺ 12ന് പൊലീസ് പരേഡ് ഗ്രൗണ്ടിൽ നിന്നും 21 കിലോമീറ്റർ, 10 കിലോമീറ്റർ എന്നീ കാറ്റഗറികളിലാണ് മാരത്തോൺ . ഏത് പ്രായ പരിധിയിൽപെട്ടവർക്കും പങ്കെടുക്കാം. വിജയികൾക്ക് സമ്മാനങ്ങളും പങ്കെടുക്കുന്ന എല്ലാവർക്കും മെഡലുകളും നൽകും. ആദ്യം രജിസ്റ്റർ ചെയ്യുന്ന 200 പേർക്ക് ടി ഷർട്ട് നൽകും. ഇതിനായി ഗൂഗിൾ രജിസ്‌ട്രേഷൻ ആരംഭിക്കുമെന്ന് സിറ്റി പൊലിസ് കമ്മിഷണർ അറിയിച്ചു.