SignIn
Kerala Kaumudi Online
Tuesday, 05 July 2022 12.48 PM IST

വിദേശത്ത് നിന്നും എത്തിയാലുടൻ വിജയ്ബാബുവിനെ അറസ്‌റ്റ് ചെയ്യും, സഹായിച്ച നടിയെയടക്കം ചോദ്യം ചെയ്യാൻ പൊലീസ്

nagaraju

കൊച്ചി: നടിയെ പീഡിപ്പിച്ച കേസിൽ വിദേശരാജ്യത്ത് കഴിഞ്ഞ ഒരുമാസമായി തുടരുന്ന നടനും നിർമ്മാതാവുമായ വിജയ് ബാബുവിനെ നാട്ടിലെത്തിയാലുടൻ അറസ്‌റ്റ് ചെയ്യുമെന്ന് കൊച്ചി സിറ്റി പൊലീസ് കമ്മീഷണ‌ർ സി.എച്ച് നാഗരാജു. ലുക്ക് ഔട്ട് നോട്ടീസുള‌ളതിനാൽ ഇതിന് കഴിയും. വിജയ്‌ ബാബുവിന് സഹായം ചെയ്‌തുകൊടുത്തവരെ ചോദ്യം ചെയ്യുമെന്നും അദ്ദേഹം അറിയിച്ചു.

വിദേശത്ത് ആവശ്യമുള‌ള പണം തീർന്നതിനാൽ വിജയ് ബാബുവിന് രണ്ട് ക്രെഡി‌റ്റ് കാർഡുകൾ നെടുമ്പാശേരി വിമാനത്താവളം വഴി ദുബായിൽ എത്തിച്ചുനൽകിയ നടിയെയും പൊലീസ് ചോദ്യം ചെയ്യും. പരാതിക്കാരിയായ പുതുമുഖ നടിയോട് പരാതി പിൻവലിക്കാൻ ഈ നടി ആവശ്യപ്പെട്ടെന്ന് വിവരമുണ്ട്. ഇക്കാര്യങ്ങളറിയാനാണ് നടിയെ പൊലീസ് ചോദ്യം ചെയ്യുന്നത്.

മേയ് 30ന് നാട്ടിലേക്ക് വരുന്നതിനുള‌ള ടിക്കറ്റിന്റെ പകർപ്പ് വിജയ്‌ ബാബു അഭിഭാഷകൻ വഴി കോടതിയിൽ സമർപ്പിച്ചിട്ടുണ്ട്. വന്നില്ലെങ്കിൽ മുൻകൂർ ജാമ്യഹർജി തള‌ളുമെന്ന് കോടതി കഴിഞ്ഞദിവസവും നിലപാട് അറിയിച്ചതോടെയാണിത്. അതിജീവിത ഇതിനിടെ വിജയ്‌ബാബുവിന്റെ ജാമ്യഹർജിയെ എതിർത്ത് ഹർജി നൽകി. പ്രതി തന്നെ ജാമ്യവ്യവസ്ഥ നിശ്ചയിക്കുന്ന സാഹചര്യമൊഴിവാക്കണമെന്നും ജാമ്യം നൽകരുതെന്നുമാണ് നടി ആവശ്യപ്പെട്ടത്.

അതേസമയം നിയമവ്യവസ്ഥയിൽ നിന്നും കടന്നുകളഞ്ഞ പ്രതിയെ എന്തുവന്നാലും പിടികൂടുമെന്നും ഇതിന് ലഭ്യമായ എല്ലാ മാർഗവും തേടുമെന്നും അഡീഷണൽ പ്രോസിക്യൂഷൻ ഡയറക്ടർ ജനറൽ ഗ്രേഷ്യസ് കുര്യക്കോസ്‌ കോടതിയിൽ അറിയിച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: VIJAY BABU, CASE FILE, ARREST SOON, POLICE COMMISSIONER, C H NAGARAJU
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.