രാത്രിയിൽ വീട്ടിലെത്തി പെൺകുട്ടിയെ പീഡിപ്പിക്കും,​ വയറുവേദനയെ തുടർന്ന് ആശുപത്രിയിലെത്തിച്ചപ്പോൾ പെൺകുട്ടി ഗർഭിണി,​ 19കാരൻ അറസ്റ്റിൽ

തിരുവനന്തപുരം : െപൺകുട്ടിയെ പീഡിപ്പിച്ച് ഗർഭിണിയാക്കിയ കേസിൽ 19കാരൻ അറസ്റ്റിൽ. തങ്കശേരി സ്വദേശി ആൽവിനാണ് അറസ്റ്റിലായത്. പെൺകുട്ടിയുമായി അടുപ്പത്തിലായിരുന്ന പ്രതി രാത്രിസമയങ്ങളിൽ പെൺകുട്ടിയുടെ വീട്ടിലെത്തിയായിരുന്നു ലൈംഗികമായി പീഡിപ്പിച്ചിരുന്നത്.

വയറുവേദനയെ തുടർന്ന് കഴിഞ്ഞ ദിവസം ആശുപത്രിയിലെത്തിച്ചപ്പോൾ നടത്തിയ പരിശോധനയിൽ പെൺകുട്ടി ഗർഭിണിയാണെന്ന് വ്യക്തമായി. ഇതോടെ ആശുപത്രി അധികൃതർ പൊലീസിനെ വിവരം അറിയിക്കുകയായിരുന്നു.

തുടർന്ന് നടത്തിയ കൗൺസിലിംഗിൽ സുഹൃത്തായ 19കാരൻ തന്നെ പീഡിപ്പിച്ചിരുന്നതായി പെൺകുട്ടി മൊഴിനൽകുകയായിരുന്നു. പിന്നീട് പെൺകുട്ടി കൊല്ലം വെസ്റ്റ് പൊലീസ് സ്റ്റേഷനിൽ നൽകിയ പരാതിയിലാണ് യുവാവിനെ അറസ്റ്റു ചെയ്തത്. പോക്സോ വകുപ്പ് പ്രകാരമാണ് അറസ്റ്റ്. പ്രതിയെ റിമാൻഡ് ചെയ്തു.