മുംബയ് : മഹാരാഷ്ട്രയിൽ ഒമിക്രോണിന്റെ ഉപവകഭേദങ്ങൾ സ്ഥിരീകരിച്ചതായി റിപ്പോർട്ട്. പൂനെയിലാണ് ഏഴുപേർക്ക് രോഗം സ്ഥിരീകരിച്ചത്. ഇവരിൽ നടത്തിയ ജനിതക പരിശോധനയിലാണ് ഒമിക്രോണിന്റെ ബി.എ 4, ബി.എ 5 വകഭേദങ്ങൾ കണ്ടെത്തിയത്.
രോഗം കണ്ടെത്തിയ രണ്ടുപേർക്ക് വിദേശ യാത്രാപശ്ചാത്തലമുണ്ട്. രോഗികളുടെ പ്രാഥമിക സമ്പർക്ക പട്ടിക തയ്യാറാക്കിയതായി മഹാരാഷ്ട്ര ആരോഗ്യവകുപ്പ് അറിയിച്ചു. ഒമിക്രോണിന്റെ വകഭേദങ്ങൾ അപകടകാരിയല്ലെങ്കിലും വ്യാപനശേഷി കൂടുതലാണെന്നാണ് പഠനങ്ങളിൽ കണ്ടെത്തിയത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |