കല്ലമ്പലം: മദ്യലഹരിയിൽ പൊലീസ് വാഹനം അടിച്ചു തകർത്ത യുവാവ്‌ അറസ്റ്റിൽ. കരവാരം പുല്ലൂർമുക്ക് മദീന വീട്ടിൽ ഫൈസൽ (27) ആണ് അറസ്റ്റിലായത്. കഴിഞ്ഞ ദിവസം വൈകിട്ട് കല്ലമ്പലം ഡബ്ലൂൺ ബാറിന് സമീപം രണ്ടുപേർ മദ്യലഹരിയിൽ പരസ്പരം ഏറ്റുമുട്ടുന്നത് ശ്രദ്ധയിൽപ്പെട്ട പൊലീസ്‌ ഇവരെ സ്റ്റേഷനിൽ കൊണ്ടുപോകാൻ ശ്രമിക്കുന്നതിനിടയിലായിരുന്നു ആക്രമണം. പൊലീസ് വാഹനത്തിന്റെ പിറകിലെ ഗ്ലാസ്സും ബോഡിയും തകർത്ത് 7000 രൂപയോളം നാശനഷ്ടം വരുത്തി. കല്ലമ്പലം പൊലീസ് ഇൻസ്പെക്ടർ ഫാറോസ് ഐയുടെ നേതൃത്വത്തിൽ സബ് ഇൻസ്പെക്ടർ ജയരാജ്, അസിസ്റ്റന്റ് സബ് ഇൻസ്പെക്ടർ സുരേഷ്, സീനിയർ സിവിൽ പൊലീസ്‌ ഓഫീസർ അജിത്ത്, സിവിൽ പൊലീസ് ഓഫീസർമാരായ മദനൻ, സുബിൻ, വിഷ്ണു,അരുൺ എന്നിവരടങ്ങുന്ന പൊലീസ് സംഘമാണ് ബലപ്രയോഗത്തിലൂടെ പ്രതിയെ അറസ്റ്റ് ചെയ്തത്. ആറ്റിങ്ങൽ കോടതിയിൽ ഹാജരാക്കിയ പ്രതിയെ റിമാൻഡ്‌ ചെയ്തു.