SignIn
Kerala Kaumudi Online
Friday, 29 March 2024 5.15 PM IST

വിമർശനക്കല്ലിൽ കഥാഗോപുരം പണിയുന്നു: ടി. പദ്മനാഭൻ

t-padmanaban

തി​രുവനന്തപുരം: വിമർശകർ എറിയുന്ന ഓരോ കല്ലുകൊണ്ടും തന്റെ കഥാഗോപുരത്തിന്റെ അസ്ഥിവാരം ബലപ്പെടുത്തുകയാണെന്ന് സാഹിത്യകാരൻ ടി. പദ്മനാഭൻ പറഞ്ഞു. ഒ.എൻ.വി കൾച്ചറൽ സെന്ററിന്റെ ഒ.എൻ.വി സാഹിത്യ പുരസ്കാരം മന്ത്രി സജി ചെറിയാനിൽ നിന്ന് ഏറ്റുവാങ്ങി സംസാരിക്കുകയായിരുന്നു അദ്ദേഹം.

എന്നെ വിമർശിക്കുന്ന സുഹൃത്തുക്കളോട് നന്ദിയുണ്ട്. എഴുതാൻ തുടങ്ങിയിട്ട് 74 വർഷമായി. ഇരുനൂറ് കഥകൾ മാത്രമേ എഴുതിയിട്ടുള്ളൂ. പ്രതിഫലത്തിന്റെയോ പ്രശസ്തിയുടെയോ പ്രലോഭനത്തിൽ വീഴാതെ വളരെ കുറച്ചുമാത്രം എഴുതി. എഴുതിയേ പറ്റൂ എന്ന് വരുമ്പോഴാണ് എഴുതുന്നത്. എന്റെ കഥകൾ ലോകോത്തരമെന്ന് പറഞ്ഞിട്ടില്ല. അതിനും മാത്രം വിഡ്ഢിയല്ലെന്നും ടി. പത്മനാഭൻ പറഞ്ഞു.

മലയാള ഭാഷയെ തനി​മയോടെ സ്വീകരി​ച്ച് അതി​ൽ നി​ന്ന് കവി​തയും പാട്ടുമെഴുതി​, ശബ്ദമി​ല്ലാത്തവന്റെ ശബ്ദമായി​രുന്നു ഒ.എൻ.വി​യെന്ന് ഉദ്ഘാടന പ്രസംഗത്തി​ൽ മന്ത്രി​ സജി​ ചെറി​യാൻ പറഞ്ഞു. മലയാള കഥയുടെ രാജശി​ൽപ്പി​യാണ് ടി​. പത്മനാഭനെന്നും അദ്ദേഹത്തി​ന് പകരക്കാരൻ ഇ​ല്ലെന്നും മന്ത്രി​ പറഞ്ഞു. തന്റേതുമാത്രമായ ഖരാനയുടെ ആളാണ് പദ്മനാഭനെന്ന് അദ്ധ്യക്ഷ പ്രസംഗത്തിൽ അടൂർ ഗോപാലകൃഷ്ണൻ പറഞ്ഞു.

കവി​ പ്രഭാവർമ്മ, കരമന ഹരി​, ഡോ. എം.എം.ബഷീർ, ജി​. രാജ്മോഹൻ, ശ്രീകുമാരൻ തമ്പി​, എം. വി​. ജയകുമാർ, പി​രപ്പൻകോട് മുരളി​, ഒ.എൻ.വി​യുടെ പത്നി​ സരോജി​നി അമ്മ​, മക്കളായ ഡോ. മായാദേവി, രാജീവ് ഒ.എൻ.വി​, മരുമക്കളായ ജയകൃഷ്ണൻ, ദേവി​ക തുടങ്ങി​യവർ പങ്കെടുത്തു.

ഒ.എൻ.വി​യുടെ ചെറുമകൾ അമൃത ജയകൃഷ്ണന്റെ നേതൃത്വത്തി​ൽ നൃത്തശി​ൽപ്പം അവതരിപ്പിച്ചു. ഗായകൻ ഉണ്ണിമേനോന്റെ നേതൃത്വത്തിലുള്ള ഗാനസന്ധ്യയിൽ ചെറുമകൾ അപർണ രാജീവും പങ്കെടുത്തു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LITERATURE, BOOKS, , T PADMANABHAN, ONV AWARD
KERALA KAUMUDI EPAPER
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.