മുംബയ്: രാജ്യത്തെ വിദേശ നാണയശേഖരം 3.854 ബില്യൺ ഡോളർ ഉയർന്ന് 601.363 ബില്യൺ ഡോളറായെന്ന് റിസർവ് ബാങ്ക് ഒഫ് ഇന്ത്യയുടെ റിപ്പോർട്ട്. മേയ് 27ന് അവസാനിച്ച വാരത്തിലെ കണക്കുകളാണിത്.

തൊട്ടു മുമ്പുള്ള ആഴ്ച്ചയിലെ വിദേശ നാണയശേഖരം 4.230 ബില്യൺ ഡോളർ ഉയർന്ന് 597.509 ബില്യൺ എത്തിയിരുന്നു.
വിദേശ കറൻസി ആസ്തികളിലും (എഫ്.സി.എ) സ്വർണ ശേഖരത്തിലുമുണ്ടായ വർദ്ധനയ്ക്ക് പിന്നാലെയാണ് വിദേശ നാണയശേഖരത്തിലുമുണ്ടായ വർദ്ധന. മേയ് 27ന് അവസാനിച്ച വാരത്തിൽ രാജ്യത്തെ എഫ്.സി.എ 3.61 ബില്യൺ ഉയർന്ന് 539.988 ബില്യൺ ഡോളറിലെത്തി. രാജ്യത്തെ സ്വർണ ശേഖരത്തിന്റെ മൂല്യം 94 മില്യൺ ഡോളർ ഉയർന്ന് 40.917 ബില്യൺ ഡോളറായെന്നും ആർ.ബി.ഐ റിപ്പോർട്ടിലുണ്ട്.