തൃശൂർ: അയനം സാംസ്കാരിക വേദിയുടെ മഴക്കവിതാ സംഗമം വ്യത്യസ്തമായ മഴയനുഭവങ്ങളുടെ കൂടി സംഗമവേദിയായി. അയനം ഡോ.സുകുമാർ അഴീക്കോട് ഇടത്തിൽ നടന്ന പരിപാടിയിൽ പ്രമുഖ കവികൾ മഴ പ്രമേയമായി വരുന്ന കവിതകൾ അവതരിപ്പിച്ചു.
കവിയും ഗാനരചയിതാവുമായ അൻവർ അലി കവിതാസംഗമം ഉദ്ഘാടനം ചെയ്തു. പ്രളയത്തിന് ശേഷം കവിതയിൽ മഴയിലെ കാൽപനികത നഷ്ടമാവുകയും പ്രകൃതി ചൂഷണത്തിന്റെ ഭീകരത വന്നു നിറഞ്ഞതായും കാണാമെന്ന് അൻവർ അലി പറഞ്ഞു.
അയനം ചെയർമാൻ വിജേഷ് എടക്കുന്നി അദ്ധ്യക്ഷനായി. വിജയരാജമല്ലിക, ശ്യാം സുധാകർ, വർഗീസാന്റണി, ജയപ്രകാശ് എറവ്, സുബീഷ് തെക്കൂട്ട് , ടി.ജി.അജിത, പി.എ.അനീഷ്, കെ.രാജേശ്വരി, ജോയ് ജോസഫ്, ചന്ദ്രതാര, രാധിക സനോജ്, രേഖ സി.ജി, ശാലിനി പടിയത്ത്, മനീഷ മുകേഷ്ലാൽ, റെജീല ഷെറിൻ, തുളസീദാസ് തൃപ്രയാർ, അഡ്വ.മൗനീഷ്, ജീ.ജീൻരാജ്, ടി.എം.അനിൽകുമാർ, യു.എസ്.ശ്രീശോഭ്, ജി.ബി.കിരൺ എന്നിവർ മഴക്കവിതകൾ അവതരിപ്പിച്ചു.
കാർഷിക ഉപകരണ വില്പനശാല ഉദ്ഘാടനം
തൃശൂർ: കേച്ചേരി സർവീസ് സഹകരണ ബാങ്കിന്റെ ആഭിമുഖ്യത്തിൽ ബാങ്ക് പ്രസിഡന്റ് എ.എം.ജമാൽ കാർഷിക ഉപകരണങ്ങളുടെ വില്പനശാലയുടെ ഉദ്ഘാടനം നിർവഹിച്ചു. ബാങ്ക് ഡയറക്ടർ ഐ.വേണുഗോപാൽ അദ്ധ്യക്ഷനായി. ബാങ്ക് ഡയറക്ടർമാരായ കെ.ജെ.നിഷാദ്, എൻ.വി.സുദർശൻ, ധനേഷ് ചുള്ളിക്കാട്ടിൽ, കെ.ഐ.ചന്ദ്രൻ, കുര്യാക്കോസ് മാസ്റ്റർ, എം.ആർ.ജോയ്, തോമസ് വാഴപ്പിള്ളി, പി.എൻ.സുന്ദരൻ, ടി.കെ.കൊച്ച, സെലീന കൊച്ചപ്പൻ, നസീമ അസീസ് തുടങ്ങിയവർ പങ്കെടുത്തു. ചൂണ്ടൽ പഞ്ചായത്ത് അംഗങ്ങളായ ആന്റോ പോൾ, എൻ.ഡി.സജിത് കുമാർ, ബാങ്ക് സെക്രട്ടറി ഡേവിസ് എന്നിവർ പ്രസംഗിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |