വടകര:പതിനാലാം പഞ്ചവത്സര പദ്ധതിയുടെ ഭാഗമായി ബ്ലോക്ക് പഞ്ചായത്ത് വികസന സെമിനാർ ബ്ലോക്ക് പഞ്ചായത്ത് അങ്കണത്തിൽ മുൻ എം.എൽ.എ. സി.കെ.നാണു ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് കെ.പി.ഗിരിജ അദ്ധ്യക്ഷത വഹിച്ചു. ജനകീയാസൂത്രണo പിന്നിട്ട വഴികൾ എന്ന വിഷയം ബി.ഡി.ഒ പി.കെ.പുരുഷോത്തമനും.14-ാം പഞ്ചവത്സര പദ്ധതിയുടെ നയസമീപനം ആസൂത്രണ സമിതി ഉപാദ്ധ്യക്ഷൻ വി.മധുസൂദനനും, 2022-23 വർഷത്തെ കരട് വാർഷിക പദ്ധതി രേഖ വികസന കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ശശി കലാ ദിനേശനും അവതരിപ്പിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് വി.കെ.സന്തോഷ് കുമാർ സ്വാഗതവും അസിസ്റ്റന്റ് പ്ലാനിംഗ് കോർഡിനേറ്റർ സജീഷ്.എസ്. നന്ദിയും പറഞ്ഞു.