മധുര: മധുരയിലെ ആൾ ഇന്ത്യാ ഇൻസ്റ്റിറ്റ്യൂട്ട് ഒഫ് മെഡിക്കൽ സയൻസസിൽ പ്രൊഫസർ, അഡീഷണൽ പ്രൊഫസർ, അസോസിയേറ്റ് പ്രൊഫസർ, അസിസ്റ്റന്റ് പ്രൊഫസർ വിഭാഗങ്ങളിലെ 94 അദ്ധ്യാപക ഒഴിവുകളിലേക്ക് അപേക്ഷ ക്ഷണിച്ചു.
ഒബ്സ്റ്റട്രിക്സ് ആൻഡ് ഗൈനക്കോളജി, ഒഫ്താൽമോളജി, ട്രോമ ആൻഡ് എമർജൻസി, മൈക്രോബയോളജി, അനസ്തേഷ്യോളജി, അനാട്ടമി, ബയോകെമിസ്ട്രി, കമ്മ്യൂണിറ്റി ആൻഡ് ഫാമിലി മെഡിസിൻ,ഓർത്തോപീഡിക്സ്, പീഡിയാട്രിക്സ്, പാതോളജി, ഫാർമക്കോളജി, ഫിസിയോളജി, സൈക്യാട്രി, റേഡിയോളജി, ഡെർമെറ്റോളജി, ഇ.എൻ.ടി, ഫോറൻസിക് മെഡിസിൻ ആൻഡ് ടോക്സിക്കോളജി, ജനറൽ മെഡിസിൻ, ജനറൽ സർജറി, ഹോസ്പിറ്റൽ അഡ്മിനിസ്ട്രേഷൻ വിഭാഗങ്ങളിലാണ് ഒഴിവുകൾ.
വിശദവിവരങ്ങളും അപേക്ഷയും ലഭിക്കാൻ www.jipmer.edu.in എന്ന വെബ്സൈറ്റ് സന്ദർശിക്കണം. ഓൺലൈൻ വഴി അപേക്ഷിച്ചശേഷം പകർപ്പ് തപാലിലും അയക്കാൻ മറക്കരുത്. വിലാസം വെബ്സൈറ്റിൽ. ഓൺലൈൻ അപേക്ഷ സ്വീകരിക്കുന്ന അവസാനതീയതി ജൂലായ് 18 ആണ്. അപേക്ഷ കൃത്യമായി പൂരിപ്പിക്കണം. അപേക്ഷയുടെ പകർപ്പ് തപാലിൽ സ്വീകരിക്കുന്ന അവസാന തീയതി ജൂലായ് 25 ആണ്.
ഇ.സി.ഐ.എല്ലിൽ ട്രേഡ്സ്മാൻ
ന്യൂഡൽഹി: കേന്ദ്ര ആണവോർജ മന്ത്രാലയത്തിന് കീഴിൽ ഹൈദരാബാദിലുള്ള ഇലക്ട്രോണിക്സ് കോർപ്പറേഷൻ ഒഫ് ഇന്ത്യയിൽ (ഇ.സി.ഐ.എൽ) ട്രേഡ്സ്മാൻ ബി തസ്തികയിലെ 40 ഒഴിവുകളിലേക്ക് അപേക്ഷ ക്ഷണിച്ചു. ഇലക്ട്രോണിക്സ് മെക്കാനിക്ക്, ആർ ആൻഡ് ടി.വി, ഫിറ്റർ, ഇലക്ട്രീഷ്യൻ ഫിറ്റർ, മെഷിനിസ്റ്റ്, ടർണർ തുടങ്ങിയ പോസ്റ്റുകളിലാണ് ഒഴിവുകൾ. യോഗ്യത പത്താംക്ളാസ് തത്തുല്യവും ഐ.ടി.ഐ സർട്ടിഫിക്കറ്റും മാനുഫാക്ചറിംഗ് രംഗത്തെ പ്രവൃത്തി പരിചയവും വേണം. 28 വയസാണ് പ്രായപരിധി. എസ്.സി, എസ്.ടി, ഒ.ബി.സി വിഭാഗം, ഭിന്നശേഷി, വിമുക്തഭടൻമാർ എന്നിവർക്ക് നിയമാനുസൃതമായ ഇളവ് ലഭിക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |