SignIn
Kerala Kaumudi Online
Sunday, 25 September 2022 2.04 AM IST

കോളറ ഭീതിയിൽ മരിയുപോൾ

ukraine

കീവ് : റഷ്യ പിടിച്ചെടുത്ത യുക്രെയിനിലെ തുറമുഖ നഗരമായ മരിയുപോൾ കോളറ ഭീതിയിലെന്ന് മുന്നറിയിപ്പ്. മാലിന്യങ്ങളും മൃതദേഹങ്ങളും നഗരത്തിന്റെ പലഭാഗത്തായി അഴുകുന്നതായും ഇത് പ്രദേശത്തെ ശുദ്ധജലത്തെ മലിനമാക്കിയിരിക്കുകയാണെന്നും മരിയുപോൾ മേയറിന്റെ ഉപദേഷ്ടാവായ പെട്രോ ആൻഡ്ര്യുഷ്‌ചെൻകോ പറഞ്ഞു.

മരിയുപോളിലെ റഷ്യൻ സൈനികർക്കിടെയിൽ കോളറ പടരാമെന്ന ഭീതിയിൽ സമീപത്തുള്ള റഷ്യൻ നഗരത്തിൽ പകർച്ചവ്യാധി യൂണിറ്റുകൾ ഒരുക്കുന്നുണ്ടെന്ന വിവരം ലഭിച്ചതായും അദ്ദേഹം പറഞ്ഞു. മരിയുപോളിൽ അസോവ് തുറമുഖത്ത് പകർച്ച വ്യാധികൾ പടർന്നുപിടിക്കുമെന്ന് പ്രാദേശിക ഭരണകൂടം കഴിഞ്ഞാഴ്ച മുന്നറിയിപ്പ് നൽകിയിരുന്നു.

നഗരം മലിനജലത്തിൽ മുങ്ങിയിരിക്കുകയാണെന്നും ഓവുചാൽ സംവിധാനങ്ങൾ തകർന്നെന്നുമാണ് റിപ്പോർട്ട്. താപനില ഉയർന്നതും പ്രതികൂലമായി. മരിയുപോളിലെ അസോവ്സ്റ്റൽ സ്റ്റീൽ പ്ലാന്റിൽ ചെറുത്തുനില്പിനിടെ കൊല്ലപ്പെട്ട ഏതാനും യുക്രെയിൻ സൈനികരുടെ മൃതദേഹങ്ങൾ റഷ്യ യുക്രെയിന് കൈമാറിയെന്ന് അധികൃതർ അറിയിച്ചു.

അതേ സമയം, പോരാട്ടം രൂക്ഷമായി തുടരുന്ന കിഴക്കൻ നഗരമായ സെവെറൊഡൊണെസ്കിന്റെ ഭാഗിക നിയന്ത്രണം പിടിച്ചെടുത്തെന്ന് റഷ്യ അവകാശപ്പെട്ടു. നഗരത്തിലെ ജനവാസ മേഖലകൾ പിടിച്ചെടുത്തെന്നാണ് റഷ്യയുടെ അവകാശവാദം. ഇവിടുത്തെ വ്യാവസായിക കേന്ദ്രങ്ങൾ നിറഞ്ഞ മേഖലയിൽ യുക്രെയിൻ ചെറുത്തുനില്പ് തുടരുകയാണ്. നൂറുകണക്കിന് സിവിലിയൻമാർ സെവെറൊഡൊണെസ്കിൽ കുടുങ്ങിക്കിടക്കുന്നുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.