തിരുവനന്തപുരം: കെ.എസ്.ആർ.ടി.സിയിൽ ആദ്യത്തെ വനിതാ ഇൻസ്പെക്ടർ ആകാനുള്ള നിയോഗം തൊടുപുഴ വഴുത്തല സ്വദേശി കെ.ആർ. രോഹിണിക്ക്. സ്റ്റേഷൻ മാസ്റ്റർ തസ്തികയിൽ നിന്നാണ് സ്ഥാനക്കയറ്റം. തൊടുപുഴ ഡിപ്പോയിലാണ് നിലവിൽ ജോലി ചെയ്യുന്നത്. ഇൻസ്പെക്ടറായി പുനലൂരിൽ ജോയിൻ ചെയ്യും.
കണ്ടക്ടറായി 1997ലാണ് രോഹിണി സർവീസിൽ പ്രവേശിച്ചത്. ഭർത്താവ് സുരേഷ് ടാക്സി ഡ്രൈവറാണ്. രണ്ട് പെൺമക്കൾ. സ്റ്റേഷൻ മാസ്റ്ററായ 71 പേർക്കാണ് ഇൻസ്പെക്ടർ തസ്തികയിലേക്ക് സ്ഥാനക്കയറ്റം നൽകിയത്. 2017നു ശേഷം ആദ്യമായാണ് കെ.എസ്.ആർ.ടി.സിയിൽ സ്ഥാനക്കയറ്റ പട്ടിക പുറത്തിറക്കുന്നത്.
113 ഡ്രൈവർമാർക്ക് വെഹിക്കിൾ സൂപ്പർവൈസർമാരായി സ്ഥാനക്കയറ്റം നൽകി. 107 കണ്ടക്ടർമാർ സ്റ്റേഷൻ മാസ്റ്റർമാരായി. സീനിയർ അസിസ്റ്റന്റുമാരായ 4 പേർക്ക് സൂപ്രണ്ടുമാരായി പ്രൊമോഷൻ നൽകി. 48 സ്പെഷ്യൽ ഗ്രേഡ് അസിസ്റ്റന്റുമാരും സൂപ്രണ്ടുമാരാകും.
10 വെഹിക്കിൾ സൂപ്പർവൈസർമാരെ ഹെഡ് വെഹിക്കിൾ സൂപ്പർ വൈസർമാരാക്കി.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |