ന്യൂഡൽഹി: ഇസ്ളാമിക രാജ്യങ്ങളുടെ പ്രതിഷേധത്തിന് ഇടയാക്കും വിധം പ്രവാചക പരാമർശത്തെ പ്രകോപനപരമായ വിഷയമാക്കി മാറ്റിയവർക്കെതിരെ രാജ്യദ്രോഹക്കുറ്റം ചുമത്തണമെന്നും സ്വത്ത് കണ്ടുകെട്ടണമെന്നും കേന്ദ്ര ഇൻഫർമേഷൻ കമ്മിഷണർ ഉദയ് മഹുർക്കർ. ആ വിഷയത്തിൽ രാജ്യം നടപടികളെടുത്തു കഴിഞ്ഞു. ഇനി വേണ്ടത് വിദേശരാജ്യങ്ങളെ ഇന്ത്യയ്ക്ക് എതിരാക്കിയ ആളുകളുടെ പട്ടികയുണ്ടാക്കി നടപടിയെടുക്കലാണ്- മഹുർക്കർ പറഞ്ഞു. ഭരണഘടനാ സ്ഥാപനങ്ങളെ മോദി സർക്കാർ നശിപ്പിച്ചതിന് ഉദാഹരണമാണ് ഇൻഫർമേഷൻ കമ്മിഷണറുടെ പ്രസ്താവനയെന്ന് സുപ്രീംകോടതി അഭിഭാഷകനും പൊതുപ്രവർത്തകനുമായ പ്രശാന്ത് ഭൂഷൺ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |