ബെംഗളുരു : രഞ്ജി ട്രോഫി ക്രിക്കറ്റിന്റെ ക്വാർട്ടർ ഫൈനലിൽ ജാർഖണ്ഡിനോട് സമനിലയിൽ പിരിഞ്ഞ പശ്ചിമ ബംഗാൾ ഒന്നാം ഇന്നിംഗ്സ് ലീഡിന്റെ മികവിൽ സെമിയിലെത്തി.ആദ്യ ഇന്നിംഗ്സിൽ 773/7എന്ന സ്കോറിൽ ഡിക്ളയർ ചെയ്ത ബംഗാളിനെതിരെ ജാർഖണ്ഡ് 298 റൺസിന് ആൾഒൗട്ടായിരുന്നു. തുടർന്ന് രണ്ടാം ഇന്നിംഗ്സിനിറങ്ങിയ ബംഗാൾ അവസാനദിവസം 318/7 എന്ന സ്കോറിന് ഡിക്ളയർ ചെയ്തതോടെ കളി അവസാനിപ്പിക്കുകയായിരുന്നു. രണ്ടാം ഇന്നിംഗ്സിൽ ബംഗാളിന് വേണ്ടി കായിക മന്ത്രി കൂടിയായ മുൻ ഇന്ത്യൻ താരം മനോജ് തിവാരി (136)സെഞ്ച്വറി നേടി. ആദ്യ ഇന്നിംഗ്സിൽ തിവാരി 73 റൺസടിച്ചിരുന്നു.

9 ആദ്യ ഇന്നിംഗ്സിൽ ഒമ്പത് താരങ്ങളാണ് ബംഗാളിന് വേണ്ടി അർദ്ധസെഞ്ച്വറി നേടിയത്.