SignIn
Kerala Kaumudi Online
Thursday, 28 March 2024 2.15 PM IST

എ.എം.ജി ജി.ടി ബ്ളാക്ക് സീരീസ്: ഇന്ത്യയിൽ ആദ്യ വില്പനയുമായി ബെൻസ്

benz

കൊച്ചി: ജർമ്മൻ ആഡംബര വാഹന നിർമ്മാതാക്കളായ മെഴ്‌സിഡെസ്-ബെൻസ് സൂപ്പർ എക്സ്‌ക്ളുസീവ് മോഡലായ എ.എം.ജി ജി.ടി ബ്ളാക്ക് സീരീസിന്റെ ഇന്ത്യയിലെ ആദ്യ യൂണിറ്റ് വിറ്റഴിച്ചു. 5.5 കോടി രൂപയാണ് കാറിന് എക്‌സ്‌ഷോറൂം വില. ഉപഭോക്താവിന്റെ താത്പര്യാർത്ഥമുള്ള കൂട്ടിച്ചേർക്കലുകൾ (കസ്റ്റമൈസേഷൻ)​ വരുത്തുമ്പോൾ വില ഇതിലും ഉയരും.
എ.എം.ജി ശ്രേണിയിലെ ഏറ്റവും കരുത്തുറ്റ മോഡലാണ് എ.എം.ജി ജി.ടി ബ്ളാക്ക് സീരീസ്. 730 എച്ച്.പി കരുത്തുള്ളതാണ് 4-ലിറ്റർ‌,​ വി8 എൻജിൻ. പൂജ്യത്തിൽ നിന്ന് 100 കിലോമീറ്റർ വേഗം കൈവരിക്കാൻ ഇ 2-ഡോർ കൂപ്പേ മോഡലിന് വെറും 3.2 സെക്കൻഡ് ധാരാളം.
പൂജ്യത്തിൽ നിന്ന് 200 കിലോമീറ്റർ വേഗം 9 സെക്കൻഡിൽ കൈവരിക്കും. മണിക്കൂറിൽ 325 കിലോമീറ്റർ വരെ വേഗത്തിൽ എ.എം.ജി ജി.ടി ബ്ളാക്ക് സീരാസ് ചീറിപ്പായും. മോട്ടോർ‌സ്പോർട്‌സ് രംഗത്തെ മെഴ്‌സിഡെസ്-ബെൻസിന്റെ രാജകീയ പാരമ്പര്യം വ്യക്തമാക്കുന്നതാണ് രൂപകല്പന. സാങ്കേതികവിദ്യയിൽ കാലങ്ങളായി മെഴ്‌സിഡെസ്-ബെൻസ് കൈവരിച്ച മുന്നേറ്റത്തിന്റെ മികച്ച ഉദാഹരണവുമാണ് ഈ പുത്തൻ മോഡൽ.
ഇന്ത്യയിലെ സൂപ്പർകാർ പ്രേമികളിലൊരാളായ ഭൂപേഷ് റെഡ്ഡിയാണ് എ.എം.ജി ജി.ടി ബ്ളാക്ക് സീരീസിന്റെ ആദ്യ മോഡൽ സ്വന്തമാക്കിയതെന്ന് മെഴ്‌സിഡെസ് വ്യക്തമാക്കി. ഓർഡർ ലഭിച്ച ഇന്ത്യയിലെ രണ്ടാമത്തെ മോഡലിന്റെ വില്പന അടുത്തമാസം നടക്കുമെന്ന് മെഴ്‌സിഡെസ്-ബെൻസ് ഇന്ത്യ മാനേജിംഗ് ഡയറക്‌ടറും സി.ഇ.ഒയുമായ മാർട്ടിൻ ഷ്വെൻക് പറഞ്ഞു.
മെഴ്‌സിഡെസ്-ബെൻസിന് ഇന്ത്യ എക്കാലത്തും സുപ്രധാന വിപണികളിൽ ഒന്നാണെന്നും ലോകത്തെ ഏറ്റവും നൂതനവും എക്‌സ്‌ക്ളുസീവുമായ മോഡലുകൾ ഇന്ത്യയിലും അവതരിപ്പിക്കുകയെന്ന ലക്ഷ്യത്തിന്റെ ഭാഗമായാണ് എ.എം.ജി ജി.ടി ബ്ളാക്ക് സീരീസ് ഇവിടെയും വിപണിയിലിറക്കിയതെന്നും അദ്ദേഹം പറഞ്ഞു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: BUSINESS, DRIVERS CABIN
KERALA KAUMUDI EPAPER
TRENDING IN LIFESTYLE
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.