തിരുവനന്തപുരം: ഡോളർ കടത്ത് ആരോപണങ്ങളുമായി ബന്ധപ്പെട്ട് അക്രമം വ്യാപിക്കുന്നതിനു പിന്നാലെ കെ.പി.സി.സി പ്രസിഡന്റ് കെ. സുധാകരൻ എം.പിക്ക് പൊലീസിന്റെ കനത്ത സുരക്ഷ. ഇന്നലെ കണ്ണൂരിൽ കെ. സുധാകരന് പൈല​റ്റും എസ്‌കോർട്ടുമായി മൂന്നു ജീപ്പ് പൊലീസ് സംഘത്തെ നിയോഗിച്ചു. സുധാകരന്റെ കണ്ണൂരിലെയും തിരുവനന്തപുരത്തെയും വീടുകൾക്ക് സായുധ പൊലീസ് സുരക്ഷ നൽകും. ഇതുവരെ സുധാകരന് രണ്ട് ഗൺമാൻമാരുടെ സുരക്ഷയാണുണ്ടായിരുന്നത്. വിമാനത്തിൽ മുഖ്യമന്ത്രിക്കു നേരെയുണ്ടായ പ്രതിഷേധത്തിന് ബദലായി സുധാകരനെതിരെ അക്രമത്തിന് സാദ്ധ്യതയുണ്ടെന്ന് ഇന്റലിജൻസ് മുന്നറിയിപ്പിനെത്തുടർന്നാണ് നടപടി.