കാഞ്ഞങ്ങാട്: സമരങ്ങളിലൂടെ വളർന്ന് വന്ന തലയെടുപ്പുള്ള നേതാവാണ് പി. അമ്പു നായരെന്ന് സി.പി.ഐ ദേശീയ കൗൺസിൽ അംഗം ഇ ചന്ദ്രശേഖരൻ എം എൽ എ പറഞ്ഞു. വെള്ളിക്കോത്ത് പി.അമ്പുനായർ സ്മാരകത്തിൽ നടന്ന അനുസ്മരണ പരിപാടി ഉദ്ഘാടനം ചെയ്യുകയായിരുന്നു അദ്ദേഹം. സൗമ്യനാണെങ്കിലും ധിക്കാരികളുടെ മുമ്പിൽ മുട്ടുമടക്കാത്ത ധീരനായിരുന്നു അമ്പുനായരെന്നും അദ്ദേഹം പറഞ്ഞു. ലോക്കൽ സെക്രട്ടറി എ. തമ്പാൻ അദ്ധ്യക്ഷത വഹിച്ചു. . രാഹുൽ കെ.വി സ്വാഗതം പറഞ്ഞു. എ. ദാമോദരൻ,കരുണാകരൻ കുന്നത്ത് , സി.പി. ഐ മണ്ഡലം സെക്രട്ടറി സി.കെ ബാബുരാജ് എന്നിവർ സംസാരിച്ചു. അമ്പു നായരുടെ 46ാം ചരമദിനത്തിൽ വെള്ളിക്കോത്ത് ബ്രാഞ്ചിൽ തലമുതിർന്ന അംഗം കെ.വി കൊട്ടൻ കുഞ്ഞി പതാക ഉയർത്തി.ഒ.പ്രതീഷ് ,കെ.പി ബാലകൃഷ്ണൻ, അസിസ്റ്റന്റ് സെക്രട്ടറി മധുസൂദനൻ എന്നിവർ സംബന്ധിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |