ന്യൂഡൽഹി: യോഗ ലോകത്തിന്റെ ഉത്സവമെന്ന് പ്രധാനമന്ത്രി നരേന്ദ്ര മോദി. യോഗ ലോകത്തിന് സമാധാനം നൽകുന്നുവെന്നും കൊവിഡ് കാലത്തെ മറികടക്കാൻ സഹായകമായെന്നും അദ്ദേഹം പറഞ്ഞു. ഇത്തവണ മൈസൂരുവിലെ പാലസ് ഗ്രൗണ്ടിൽ നടക്കുന്ന യോ​ഗ ദിന പരിപാടിയിലാണ് മോദി പങ്കെടുക്കുന്നത്. ഇവിടെ 15,000 പേരാണ് പ്രധാനമന്ത്രിക്കൊപ്പം യോഗ ചെയ്യുന്നത്.

Greetings on #YogaDay! https://t.co/dNTZyKdcXv

— Narendra Modi (@narendramodi) June 21, 2022

'ഇന്ന് ലോകത്തിന്റെ എല്ലാ ഭാഗങ്ങളിലും യോഗ പരിശീലിപ്പിക്കപ്പെടുന്നു. യോഗ നമുക്ക് സമാധാനം നൽകുന്നു. യോഗയിൽ നിന്നുള്ള സമാധാനം വ്യക്തികൾക്ക് മാത്രമല്ല, അത് നമ്മുടെ രാജ്യങ്ങൾക്കും ലോകത്തിനും സമാധാനം നൽകുന്നു.'- പ്രധാനമന്ത്രി പറഞ്ഞു.

#InternationalDayofYoga | PM Modi leads mass Yoga event at the Mysore Palace Ground in Karnataka pic.twitter.com/gyGTu8BPuB

— ANI (@ANI) June 21, 2022

യോഗാ ദിനത്തിന്റെ ഭാഗമായി രാജ്യത്ത് വിപുലമായ പരിപാടികളാണ് നടക്കുന്നത്. സ്വാതന്ത്ര്യത്തിന്റെ 75-ാം വാർഷികത്തിന്റെ ഭാഗമായി കേന്ദ്രമന്ത്രിമാർ 75 പ്രമുഖ സ്ഥലങ്ങളിൽ യോഗാഭ്യാസത്തിന് നേതൃത്വം നൽകി.

Union Minister Hardeep Singh Puri takes part in #InternationalDayofYoga celebrations at Red Fort in Delhi pic.twitter.com/agPi5QNsst

— ANI (@ANI) June 21, 2022

യോഗ മാനവികതയ്‌ക്ക് എന്ന മുദ്രാവാക്യവുമായി 25 കോടിയിലേറെ പേർ ലോകമെങ്ങും യോഗദിനാഘോഷത്തിൽ പങ്കു ചേരുമെന്ന് ആയുഷ് മന്ത്രാലയം അറിയിച്ചിട്ടുണ്ട്. 79 രാജ്യങ്ങളും ഐക്യരാഷ്‌ട്ര സഭയ്ക്കുകീഴിലുള്ള വിവിധ സംഘടനകളും അതത് സ്ഥലത്ത് ഇന്ത്യൻ എംബസിയുടെ നേതൃത്വത്തിൽ യോഗ ദിനാഘോഷം സംഘടിപ്പിക്കുന്നുണ്ട്.