തൃശൂർ: ഹയർ സെക്കൻഡറിയിൽ ജില്ലയിൽ ഇക്കുറി 31,571 പേർ പരീക്ഷ എഴുതിയതിൽ 26,991 പേർ (85.49%) ഉപരിപഠനത്തിന് അർഹരായി. കഴിഞ്ഞ വർഷം 89.53% ആയിരുന്നു വിജയശതമാനം. മുഴുവൻ വിഷയങ്ങളിലും 2928 പേർ എ പ്ലസ് നേടി. ഹയർ സെക്കൻഡറിയിലും വൊക്കേഷണൽ ഹയർ സെക്കൻഡറിയിലുമായി 14 സ്‌കൂളുകൾ 100% നേടി.

ഇക്കുറി ടെക്‌നിക്കൽ സ്‌കൂൾ വിഭാഗത്തിൽ 40 പേർ പരീക്ഷയെഴുതി. 26 പേർ ഉപരിപഠനത്തിന് അർഹത നേടി. വിജയശതമാനം 65. മുഴുവൻ വിഷയങ്ങൾക്കും എ പ്ലസ് നേടിയവർ ആരുമില്ല. ഓപ്പൺ സ്‌കൂൾ വിഭാഗത്തിൽ 3389 പേർ രജിസ്റ്റർ ചെയ്തതിൽ 3318 പേർ പരീക്ഷയെഴുതി. 1471 പേർ ഉപരിപഠനത്തിന് അർഹരായി. 44.33%. എല്ലാ വിഷയത്തിലും എ പ്ലസ് നേടിയവർ 20.

ജില്ലയിൽ വി.എച്ച്.എസ്.ഇയിൽ 2750 കുട്ടികൾ പരീക്ഷ എഴുതിയതിൽ 2260 പേർ വിജയിച്ചു. വിജയശതമാനം 82.18%. രണ്ടു വൊക്കേഷനൽ ഹയർ സെക്കൻഡറി സ്‌കൂളുകൾ മുഴുവൻ കുട്ടികളെയും വിജയിപ്പിച്ചു.

ജില്ലയിൽ ഹയർ സെക്കൻഡറിയിൽ 100% വിജയം നേടിയ സ്‌കൂളുകൾ:

(പരീക്ഷ എഴുതിയ കുട്ടികളുടെ എണ്ണം ബ്രാക്കറ്റിൽ)

• സെന്റ് സെബാസ്റ്റ്യൻസ് എച്ച്.എസ്.എസ് കുറ്റിക്കാട് (219)
• എം.എ.എം.എച്ച്.എസ്.എസ് കൊരട്ടി (162)
• ലിറ്റിൽ ഫ്‌ളവർ കോൺവെന്റ് എച്ച്.എസ്.എസ് കൊരട്ടി (110)
• ചെന്ത്രാപ്പിന്നി എച്ച്.എസ്.എസ് (109)
• സെന്റ് ജോർജ് എച്ച്.എസ്.എസ് പരിയാരം (109)
• സെന്റ് അഗസ്റ്റിൻ എച്ച്.എസ്.എസ് കുട്ടനെല്ലൂർ (109)
• ആശാഭവൻ എച്ച്.എസ്.എസ് ഫൊർ ഡെഫ് പടവരാട് (26)
• കാർമൽ എച്ച്.എസ്.എസ് ചാലക്കുടി (96)
• സെന്റ് ജോസഫ്‌സ് ഇ.എം.എച്ച്.എസ്.എസ് ആളൂർ, കല്ലേറ്റുംകര (90)
• ചെന്ത്രാപ്പിന്നി എച്ച്.എസ്.എസ് ചെന്ത്രാപ്പിന്നി (200)
• ഡോൺ ബോസ്‌കോ എച്ച്.എസ്.എസ് ഇരിങ്ങാലക്കുട (94)
• അസീസി ഇ.എം.എച്ച്.എസ്.എസ് തലക്കോട്ടുകര, കേച്ചേരി (29)

ജില്ലയിൽ 100% വിജയം നേടിയ വി.എച്ച്.എസ്.ഇ സ്‌കൂളുകൾ:

• ഗവ. വി.എച്ച്.എസ്.എസ് ഫോർ ഡഫ്, കുന്നംകുളം
• എസ്.എസ്.എം ഫിഷറീസ് വി.എച്ച്.എസ്.എസ്, എടക്കഴിയൂർ.