കൊച്ചി: നടിയെ ആക്രമിച്ച കേസിലെ നിർണായക തെളിവായ മെമ്മറി കാർഡിന്റെ ഹാഷ് വാല്യൂ മാറിയതിനെക്കുറിച്ചുള്ള പരിശോധന കേന്ദ്ര ഫോറൻസിക് ലാബിൽ നടത്താനാവുമോയെന്ന് ആരാഞ്ഞ ഹൈക്കോടതി ഇക്കാര്യത്തിൽ സർക്കാർ നിലപാട് അറിയിക്കാനും നിർദ്ദേശിച്ചു. മെമ്മറി കാർഡ് ഫോറൻസിക് പരിശോധനയ്ക്ക് നൽകണമെന്ന ആവശ്യം വിചാരണക്കോടതി തള്ളിയതിനെതിരെ സർക്കാർ നൽകിയ ഹർജിയിൽ ജസ്റ്റിസ് ബെച്ചു കുര്യൻ തോമസാണ് ഇക്കാര്യം ചോദിച്ചത്. വ്യാഴാഴ്‌ച വാദം തുടരും.

സർക്കാരിന്റെ ഹർജിയെ എതിർത്ത് ദിലീപിനു വേണ്ടി ഹാജരായ അഭിഭാഷകനാണ് മെമ്മറി കാർഡിന്റെ പരിശോധന കേന്ദ്ര ഫോറൻസിക് ലാബിൽ നടത്തണമെന്ന് ആവശ്യപ്പെട്ടത്. ഇതിനെ സർക്കാരിനു വേണ്ടി ഹാജരായ പ്രോസിക്യൂഷൻ ഡയറക്ടർ ജനറൽ ടി.എ. ഷാജിയും നടിയുടെ അഭിഭാഷക ടി.ബി. മിനിയും എതിർത്തു. മെമ്മറി കാർഡ് കേന്ദ്ര ഫോറൻസിക് ലാബിലേക്ക് അയയ്ക്കുന്നത് സംസ്ഥാനത്തിന്റെ ക്രമസമാധാന ചുമതല കേന്ദ്രത്തിനു കൈമാറുന്നതിനു തുല്യമാണെന്നും ഈ ആവശ്യം അനുവദിച്ചാൽ കേസിലെ തുടരന്വേഷണം പ്രതിഭാഗം നയിക്കുന്നതിനു തുല്യമാകുമെന്നും ടി.എ. ഷാജി വാദിച്ചു.

മെമ്മറി കാർഡ് പരിശോധനയ്ക്ക് നൽകണമെന്ന ആവശ്യത്തെ നിരവധി ചോദ്യങ്ങളിലൂടെയാണ് കോടതി സമീപിച്ചത്. മെമ്മറി കാർഡിന്റെ പകർപ്പെടുക്കാൻ ഫോറൻസിക് ലാബിൽ നൽകിയപ്പോഴാണ് ഹാഷ് വാല്യൂ മാറിയെന്ന് കണ്ടെത്തി റിപ്പോർട്ട് നൽകിയത്. ഇങ്ങനെ പകർപ്പെടുക്കാൻ നൽകിയ കാർഡിന്റെ ഹാഷ് വാല്യൂ പരിശോധിച്ചതെന്തിനാണ്? ഹാഷ് വാല്യൂവിൽ മാറ്റമുണ്ടെന്ന് റിപ്പോർട്ടുള്ളപ്പോൾ വീണ്ടും പരിശോധന എന്തിനാണ്? പ്രോസിക്യൂഷൻ അന്വേഷണ സംഘത്തിന്റെ വക്താവായി മാറരുതെന്നും കോടതി പറഞ്ഞു.

മെമ്മറി കാർഡിന്റെ പകർപ്പ് എടുക്കുമ്പോൾ ഹാഷ് വാല്യൂ പരിശോധിക്കുന്നതു സ്വാഭാവിക നടപടിയാണെന്നും അതിന്റെ റിപ്പോർട്ട് കോടതിക്ക് നൽകിയിരുന്നെന്നും സർക്കാർ വിശദീകരിച്ചു. ഇങ്ങനെയൊരു റിപ്പോർട്ടുണ്ടെന്ന് വിചാരണക്കോടതി അറിയിച്ചില്ലെന്ന പ്രോസിക്യൂഷന്റെ നിലപാട് തെറ്റാണെന്ന് ഹൈക്കോടതി പറഞ്ഞു. എല്ലാ രേഖകളും പരിശോധിച്ച് വിവരം പ്രോസിക്യൂഷനെ അറിയിക്കേണ്ട ബാദ്ധ്യത കോടതിക്കില്ല. ഇങ്ങനെയൊരു ചട്ടമോ നടപടിക്രമമോയില്ല. കോടതിയുടെ കസ്റ്റഡിയിലിരിക്കുന്ന മെമ്മറി കാർഡിൽ കൃത്രിമം കാട്ടിയിട്ടുണ്ടെങ്കിൽ പോലും പൊലീസിന് അന്വേഷിക്കാനാവില്ലെന്നും സിംഗിൾബെഞ്ച് പറഞ്ഞു. അതേസമയം ഹാഷ് വാല്യൂവിൽ ആരു മാറ്റം വരുത്തിയെന്ന് കണ്ടെത്താനല്ല, അതിന്റെ പരിണിതഫലമെന്താണെന്ന് അറിയാനാണ് പരിശോധന ആവശ്യപ്പെടുന്നതെന്ന് സർക്കാരും വിശദീകരിച്ചു.

 ന​ട​ൻ​ ​സി​ദ്ദി​ഖി​ന്റെ​ ​മൊ​ഴി​യെ​ടു​ത്തു

​ന​ടി​യെ​ ​ആ​ക്ര​മി​ച്ച​ ​കേ​സി​ൽ​ ​ഒ​ന്നാം​പ്ര​തി​യാ​യ​ ​പ​ൾ​സ​ർ​ ​സു​നി,​ ​ന​ട​ൻ​ ​ദി​ലീ​പി​ന് ​എ​ഴു​തി​യ​ ​ക​ത്തി​ൽ​ ​വ്യ​ക്ത​ത​ ​വ​രു​ത്തു​ന്ന​തി​നാ​യി​ ​തു​ട​ര​ന്വേ​ഷ​ണ​സം​ഘം​ ​ന​ട​ൻ​ ​സി​ദ്ദി​ഖി​നെ​ ​തി​ങ്ക​ളാ​ഴ്ച​ ​ആ​ലു​വ​ ​പൊ​ലീ​സ് ​ക്ല​ബ്ബി​ൽ​ ​വി​ളി​ച്ചു​വ​രു​ത്തി​ ​മൊ​ഴി​യെ​ടു​ത്തു.​ ​വി​ചാ​ര​ണ​ഘ​ട്ട​ത്തി​ൽ​ ​കൂ​റു​മാ​റി​യ​ ​പ്രോ​സി​ക്യൂ​ഷ​ൻ​ ​സാ​ക്ഷി​യും​ ​ആ​ലു​വ​യി​ലെ​ ​സ്വ​കാ​ര്യ​ ​ആ​ശു​പ​ത്രി​ ​ഉ​ട​മ​ ​ഡോ.​ ​ഹൈ​ദ​രാ​ലി​യു​ടെ​യും​ ​മൊ​ഴി​യും​ ​രേ​ഖ​പ്പെ​ടു​ത്തി.​ ​അ​ന്വേ​ഷ​ണ​ ​ഉ​ദ്യോ​ഗ​സ്ഥ​ൻ​ ​ബൈ​ജു​ ​പൗ​ലോ​സി​ന്റെ​ ​നേ​തൃ​ത്വ​ത്തി​ലാ​യി​രു​ന്നു​ ​ഇ​ത്.​ ​പ​ൾ​സ​ർ​ ​സു​നി​യു​ടെ​ ​ക​ത്തി​ൽ​ ​സി​ദ്ദി​ഖി​ന്റെ​ ​പേ​ര് ​പ​രാ​മ​ർ​ശി​ച്ചി​രു​ന്നു.​ ​ഒ​രു​ ​അ​ഭി​മു​ഖ​ത്തി​ൽ​ ​ദി​ലീ​പി​ന് ​അ​നു​കൂ​ല​മാ​യി​ ​സം​സാ​രി​ച്ച​തും​ ​സി​ദ്ദി​ഖി​ൽ​ ​നി​ന്ന് ​ചോ​ദി​ച്ച​റി​ഞ്ഞു.​ ​കേ​സി​ലെ​ ​സാ​ക്ഷി​യാ​യ​ ​സി​ദ്ദി​ഖി​നെ​ ​മു​മ്പും​ ​ക്രൈം​ബ്രാ​ഞ്ച് ​ചോ​ദ്യം​ചെ​യ്തി​രു​ന്നു.