പെരിന്തൽമണ്ണ: 1.16 ഗ്രാം എം.ഡി.എം.എയും 428 ഗ്രാം കഞ്ചാവുമായി യുവാവ് അറസ്റ്റിൽ. പുലാമന്തോൾ കുരുവമ്പലം സ്രാമ്പിക്കൽ അഫ്സൽ ഉബൈദിനെയാണ് (28) പെരിന്തൽമണ്ണ എസ്.ഐ സി.കെ. നൗഷാദും സംഘവും അറസ്റ്റുചെയ്തത്. കഴിഞ്ഞ ദിവസം മാലാപറമ്പ് എം.ഇ.എസ്. മെഡിക്കൽ കോളേജിന് സമീപം വാഹന പരിശോധനയ്ക്കിടെ കൊളത്തൂർ ഭാഗത്തു നിന്ന് പെരിന്തൽമണ്ണ ഭാഗത്തേക്ക് വന്ന ബൈക്ക് പൊലീസ് പരിശോധിക്കുകയായിരുന്നു. തുടർന്നാണ് ഇയാൾ പിടിയിലാവുന്നത്. ബൈക്കും കസ്റ്റഡിയിലെടുത്തു. പ്രബേഷൻ എസ്.ഐ. ശൈലേഷ്, പൊലീസുകാരായ ഷാലു, സജീർ, മിഥുൻ, നജീബ് എന്നിവരും പരിശോധനാ സംഘത്തിലുണ്ടായിരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |