അശ്വതി : ആശ്വാസകരമായ വിവരങ്ങൾ ലഭിക്കും. പുതിയ കൂട്ടുകെട്ട് മൂലം ഗുണാനുഭവമുണ്ടാകും. തൊഴിൽ മേഖലയിൽ പുരോഗതി.
ഭരണി : ഭരണ നിർവഹണ സമിതിയിൽ അംഗമാകും. ബന്ധുസഹായത്താൽ പുതിയ വീട് വാങ്ങും. ഇഷ്ട സ്ഥലത്തേക്ക് മാറ്റം ലഭിക്കയാൽ കുടുംബസമേതം താമസിക്കാൻ ശ്രമിക്കും.
കാർത്തിക :കാർമ്മികപൂജകൾക്കായി ധനം ചെലവഴിക്കും. വിശ്വാസ വഞ്ചനയിൽ അഭിമാന നഷ്ടം, സാമ്പത്തിക നഷ്ടം, സമയനഷ്ടം, ആരോഗ്യനഷ്ടം എന്നിവ അനുഭവപ്പെടും.
രോഹിണി : രോഗം പരിപൂർണമായി ഭേദമാകുന്നതാണ്. വിദ്വൽ സദസുകളിൽ പങ്കെടുക്കുകയും പുരസ്കാരം ലഭിക്കുകയും ചെയ്യും. തസ്കരഭയം, വിദേശ യാത്രനീട്ടിവയ്ക്കൽ എന്നിവ ഫലമാകുന്നു.
മകയിരം : മതപരമായ കാര്യങ്ങളിൽ കൂടുതൽ താത്പര്യം കാണിക്കും. ഉന്നത തലവ്യക്തികളുമായി സൗഹൃദം കൂടുവാനിടവരും.
തിരുവാതിര: തിരിമറി നടത്തി ധനം ഉണ്ടാക്കി അഭിമാനം രക്ഷിക്കാൻ കഴിയും. അസമയങ്ങളിലുള്ള യാത്ര ആരോഗ്യത്തെ കാര്യമായി ബാധിക്കും.
പുണർതം : പുണ്യപ്രവൃത്തികൾക്കായി ധനം ചെലവഴിക്കും. ചലച്ചിത്ര മേഖലയിൽ പണം മുടക്കുന്നത് ഗുണകരമായിരിക്കില്ല.
പൂയം : പൂജാദികാര്യങ്ങൾക്കായി ധനവും സമയവും ചെലവഴിക്കും. ജാമ്യക്കാർ നിർബന്ധിച്ചാലും നിൽക്കുന്നത് ദോഷം ചെയ്യും.
ആയില്യം : ആയുരാരോഗ്യ സൗഖ്യം ലഭിക്കാനായി കാര്യമായി ഇൗശ്വര പ്രാർത്ഥന നടത്തും. ഏറക്കുറെ തൃപ്തികരമായ കുടുംബ ജീവിതം നയിക്കും. അമിത ഭക്ഷണംമൂലം ഉദരരോഗം പിടിപെടും.
മകം : മകന്റെ വിദേശയാത്രാശ്രമം സഫലമാകും. അന്ധവിശ്വാസങ്ങൾക്കടിമപ്പെടും. വ്രതാനുഷ്ഠാനം, അന്നദാനം നാമജപം മുതലായവ കുടുംബാംഗങ്ങൾ ഒന്നിച്ച് നടത്തും.
പൂരം : പൂർവ്വ വൈരാഗ്യംമൂലം ബന്ധുക്കൾ കുടുംബ ചടങ്ങുകളിൽ നിന്ന് വിട്ടുനിൽക്കും. യാത്രാവേളയിൽ വിലപ്പെട്ട സാമഗ്രികൾ നഷ്ടപ്പെടാതിരിക്കാൻ പ്രത്യേകം ശ്രദ്ധിക്കണം.
ഉത്രം : ഉദ്ദിഷ്ട കാര്യസിദ്ധി, കുടുംബത്തിൽ വിവാഹനിശ്ചയം, സുഖചികിത്സ, യോഗ, നീന്തൽ, സംഗീതം, വാഹനമോടിക്കൽ എന്നിവ പരിശീലിക്കാനിടയുണ്ട്.
അത്തം : അത്യാഗ്രഹംമൂലം ചതിയിൽപെടാതിരിക്കാൻ ശ്രദ്ധിക്കേണ്ടതാണ്. നിക്ഷേപം പിൻവലിച്ച് കൂട്ടുകച്ചവടത്തിൽ നിക്ഷേപിക്കും.
ചിത്തിര : ചിന്തിച്ച് ചിന്തിച്ച് മനോവിഷമം കൂടുതൽ അനുഭവപ്പെടും. നല്ലൊരു തുക ആദായ നികുതിയായി അടയ്ക്കേണ്ടിവരും.
ചോതി : ചോദ്യങ്ങൾക്ക് കൃത്യമായ മറുപടി കൊടുത്ത് കോടതി വ്യവഹാരം ജയിക്കാൻ കഴിയും. രോഗപ്രതിരോധ ഒൗഷധങ്ങൾ സേവിക്കണം.
വിശാഖം : വിശേഷ ദിവസങ്ങളിൽ ദേവാലയ സന്ദർശനം നടത്തും. പുതിയ സ്നേഹബന്ധങ്ങൾ ഉടലെടുക്കും. സംശയരോഗം ജീവിതപങ്കാളിയുടെ മനസമാധാനം കെടത്തും.
അനിഴം : അനിതര സാധാരണമായ കഴിവുകൾ പുറത്തെടുക്കുവാൻ കഴിയുകയും അത് നിയമനടപടികൾക്ക് അനുകൂലമാക്കുവാൻ കഴിയുകയും ചെയ്യും.
തൃക്കേട്ട : തിക്കുംതിരക്കും ധാരാളമായി അനുഭവപ്പെട്ടതിനാൽ പ്രശസ്ത ക്ഷേത്ര ദർശനം വേണ്ടത്ര സുഖമാകുകയില്ല. സ്ഥലം വാടകയ്ക്ക് കൊടുത്തതുമൂലം സാമ്പത്തിക വിഷമം ഇല്ലാതാകും.
മൂലം :മൂലവ്യാധികൾക്കുള്ള വിദഗ്ദ്ധ ചികിത്സ തുടങ്ങും. വിദേശ ജോലി നഷ്ടപ്പെടുവാൻ സാധ്യതയുണ്ട്. ദൈവഭജനം നടത്തുക. വിവാഹമോചനചിന്ത മനസിനെ അലട്ടിക്കൊണ്ടിരിക്കും.
പൂരാടം : പൂർവ്വികസ്വത്തിന് വേണ്ടി മധ്യസ്ഥതവച്ചുവെങ്കിലും അത് ഗുണപ്പെടുവാൻ പ്രയാസമാണ്. ജീവിത പങ്കാളിയുടെ അവിഹിതബന്ധംമൂലം സമൂഹത്തിലെ മാന്യത നഷ്ടപ്പെടാനിടയുണ്ട്.
ഉത്രാടം : ഉചിതമായ തീരുമാനങ്ങൾ എടുത്ത് പ്രവർത്തിക്കാൻ കഴിയുന്നതുമൂലം ധനനഷ്ടവും അഭിമാന നഷ്ടവും ഇല്ലാതിരിക്കാൻ കഴിയും.കുടുംബസ്വത്ത് വിറ്റ് പണം ധാരാളം വന്നുചേരും.
തിരുവോണം : തിരുത്താനാവാത്ത തെറ്റുകൾ ചെയ്യുവാൻ തീരുമാനമെടുക്കുന്നത് തടയുന്നതാണ്. കുടുംബജീവിതത്തിൽ പുതിയ കുഞ്ഞിക്കാലു കാണുവാനിടയുണ്ട്.
അവിട്ടം : അവിശ്വാസംമൂലം ധനം സ്വയം നേരിൽത്തന്നെ കൊണ്ടുപോയികൊടുക്കും. ആരോഗ്യ സംരക്ഷണത്തിന്റെ ഭാഗമായി ദുശീലങ്ങൾ ഒഴിവാക്കുവാൻ ശ്രമിക്കും.
ചതയം :ചതവ് നിസാര തോതിൽ പറ്റുവാൻ സാധ്യതയുണ്ട്. വൈദ്യുതി, വാഹനം, വാതകം, യന്ത്രങ്ങൾ, രാസപദാർത്ഥങ്ങൾ, ഒൗഷധം എന്നിവ കൈകാര്യം ചെയ്യുമ്പോൾ കുഴപ്പങ്ങൾ ഉണ്ടാകാതിരിക്കാൻ പ്രത്യേകം ശ്രദ്ധിക്കണം.
പൂരുരൂട്ടാതി : പൂർണമായ ഉത്തരവാദിത്വം , ജോലിയിൽ ഏറ്റെടുക്കുന്നത് നന്നായിരിക്കും. സ്വത്ത് സംബന്ധമായി വിലപ്പെട്ട രേഖകളിൽ ഒപ്പുവയ്ക്കും.
ഉതൃട്ടാതി : ഉദ്യോഗം ലഭിക്കും. പകർച്ചവ്യാധി വരാതെ ശ്രദ്ധിക്കേണ്ടതാണ്. ജീവിത പങ്കാളിയുടെ ആരോഗ്യം മെച്ചപ്പെടും.
രേവതി : രേഖാപരമായ തെളിവുകൾ ഹാജരാക്കിയതുകൊണ്ട് വ്യവഹാരം വിജയിക്കും. വഴിപാടുകൾക്കും ഒൗഷധങ്ങൾക്കുമായി നല്ല ആത്മാർത്ഥതയോടെ ചെലവഴിക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |