തൃശൂർ: പാങ്ങിൽ ഭാസ്കരന്റെ 'കാലസ്വരൂപൻ' നോവൽ പ്രകാശനം ഇന്ന് വൈകിട്ട് മൂന്നിന് തൃശൂർ കോട്ടപ്പുറം നമ്പൂതിരി വിദ്യാലയത്തിൽ വിദ്യാഭ്യാസ വിചക്ഷണൻ പി.ചിത്രൻ നമ്പൂതിപ്പാട് നിർവഹിക്കും. നടൻ ശിവജി ഗുരുവായൂർ ഏറ്റുവാങ്ങും. സംവിധായകൻ പ്രിയനന്ദനൻ പുസ്തകപരിചയം നടത്തും. ആഴമേറിയ ജീവിതസന്ധികളും പരപ്പേറിയ അനുഭവങ്ങളും ഉൾക്കൊള്ളുന്ന 'കാലസ്വരൂപൻ' പാങ്ങിൽ ഭാസ്കരന്റെ ഇരുപതാമത്തെ പുസ്തകമാണ്. ഡിജിറ്റൽ ഫിലിം മേക്കേഴ്സ് ഫോറത്തിന്റെ ആഭിമുഖ്യത്തിലാണ് പരിപാടി.
ജനവാസ കേന്ദ്രങ്ങൾ പരിസ്ഥിതി ലോലമാക്കരുതെന്ന്
തൃശൂർ: വനമേഖലയിൽ നിന്ന് ഒരു കിലോമീറ്റർ ദൂരത്തുള്ള ജനവാസ കേന്ദ്രങ്ങളെ പരിസ്ഥിതി ലോല മേഖലയാക്കാനുള്ള സുപ്രീംകോടതി വിധി മലയോര കർഷകരെ ബാധിക്കുമെന്ന് കർഷക കോൺഗ്രസ് ജില്ലാക്കമ്മിറ്റി ആരോപിച്ചു. വിധിക്ക് എതിരെ സംസ്ഥാന സർക്കാർ അപ്പീൽ നൽകണം. കേന്ദ്ര, സംസ്ഥാന സർക്കാരുകളുടെ കർഷകവിരുദ്ധ നിലപാടുകൾ തിരുത്തണമെന്നും ആവശ്യപ്പെട്ടു. വിളവെടുക്കാറായ നെൽക്കൃഷി നാശത്തിനുള്ള നഷ്ടപരിഹാരം കർഷകർക്ക് ഇതുവരെയും നൽകിയിട്ടില്ല. ജില്ലാ പ്രസിഡന്റ് രവി പോലുവളപ്പിൽ അദ്ധ്യക്ഷത വഹിച്ചു. ജില്ലാ ജനറൽ സെക്രട്ടറിമാരായ കെ.എൻ.ഗോവിന്ദൻകുട്ടി, റാഫേൽ പൊന്നാരി, സുകുമാരൻ, മോഹൻദാസ് ചെറുതുരുത്തി തുടങ്ങിയവർ പ്രസംഗിച്ചു.
സംസ്ഥാന സമ്മേളനം നാളെ
തൃശൂർ: പഞ്ചാബ് നാഷണൽ ബാങ്ക് എംപ്ളോയീസ് യൂണിയൻ സംസ്ഥാന സമ്മേളനം നാളെ രാവിലെ 9.30ന് ഹോട്ടൽ മെർലിൻ ഇന്റർനാഷണലിൽ നടക്കും. അഖിലേന്ത്യ ജനറൽ സെക്രട്ടറി പി.ആർ.മെഹ്ത ഉദ്ഘാടനം ചെയ്യും. അഖിലേന്ത്യ പ്രസിഡന്റ് എം.പി.സിംഗ്, മുൻമന്ത്രി കെ.പി.രാജേന്ദ്രൻ, ബി.രാംപ്രകാശ്, കെ.വി.രാമമൂർത്തി തുടങ്ങിയവർ പ്രസംഗിക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |