കൊച്ചി: ലോക കേരളസഭയെ രാഷ്ട്രീയത്തി​ന് അതീതമായി​ കാണണമായിരുന്നെന്നും പ്രതി​പക്ഷം ബഹി​ഷ്കരി​ച്ചതി​​നെതി​രെ അഭി​പ്രായം പറഞ്ഞതിന് പ്രവാസി വ്യവസായി എം.എ.യൂസഫലിയെ വിമർശിക്കുന്നത് അപലപനീയമാണെന്നും എസ്.എൻ.ഡി​.പി​ യോഗം ജനറൽ സെക്രട്ടറി​ വെള്ളാപ്പള്ളി​ നടേശൻ പറഞ്ഞു.

പ്രവാസി​കളുടെ കാര്യത്തി​ൽ ഭരണപക്ഷവും പ്രതി​പക്ഷവും ഒന്നി​ച്ചു നി​ൽക്കണമെന്നാണ് യൂസഫലി​ പറഞ്ഞത്. വി​ദേശത്തും സ്വദേശത്തുമായി​ ആയിരക്കണക്കിന് മലയാളികൾക്ക് ജോലിനൽകുന്ന, നാട്ടിൽ ആയിരക്കണക്കിന് കോടിയുടെ നിക്ഷേപം നടത്തിയ ആളാണ് യൂസഫലി​.

യൂസഫലി​യുടെ അനുഭവസമ്പത്തും ബന്ധങ്ങളും കേരളം ഉപയോഗപ്പെടുത്തുകയാണ് വേണ്ടത്. വിവാദങ്ങളിൽ നിന്ന് അകന്നു നിൽക്കുന്നയാളാണ് യൂസഫലി. അദ്ദേഹത്തെ ഇത്തരം രാഷ്ട്രീയ വിവാദങ്ങളിലേക്ക് വലിച്ചിഴയ്ക്കരുതായിരുന്നു. വിമർശനവുമായി വന്ന മുസ്ളിംലീഗ്, കോൺഗ്രസ് നേതാക്കൾ യൂസഫലിയുടെ ഉദ്ദേശ്യശുദ്ധി തിരിച്ചറിഞ്ഞില്ല.

ലോക കേരളസഭയെ അധിക്ഷേപിക്കുന്നവർ കാലഘട്ടത്തെ പിന്നാക്കം നടത്തുന്നവരായി മാറും. പ്രവാസി​കളുടെ പ്രശ്നങ്ങളും പ്രതി​സന്ധി​കളും സർക്കാരി​നു മുന്നി​ൽ കൊണ്ടുവരാനും പരി​ഹാരം കാണാനുമുള്ള വേദി​യാക്കി​ സഭയെ മാറ്റാനാവും. എല്ലാത്തട്ടി​ലുമുള്ള പ്രവാസി​കളുടെയും പ്രാതിനി​ദ്ധ്യം ഉറപ്പാക്കി​ അവരെ ഒരുകുടക്കീഴി​ൽ കൊണ്ടുവരാനുള്ള സാഹചര്യവും ഇതിലൂടെ കൈവരിക്കാം.

സഭയുടെ സംഘാടനച്ചെലവ് ഈ പരിപാടിയുടെ വലിപ്പം പരിഗണിക്കുമ്പോൾ നിസാരമാണ്. കേരളത്തിലെ വിവിധ മേഖലകളിൽ പ്രവാസികൾക്ക് ഒട്ടേറെ സംഭാവനകൾ നൽകാനാകും. പ്രവാസി വ്യവസായികൾ സർക്കാർ ആശുപത്രികൾ ഏറ്റെടുക്കണമെന്ന ഓസ്കാർ ജേതാവ് റസൂൽ പൂക്കുട്ടിയുടെ നിർദേശം അതിനു തെളിവാണ്.