ആലപ്പുഴ: ഫോണിന്റെ നെറ്റ്വർക്ക് തകരാർ മൂലം ഉപഭോക്താവിനെ ബന്ധപ്പെടാൻ സാധിക്കാതെ നൂറോളം പോളിസികൾ നഷ്ടപ്പെട്ട എൽ.ഐ.സി ഏജന്റിന് പതിനായിരം രൂപ നഷ്ടപരിഹാരവും, ആയിരം രൂപ കോടതിച്ചെലവും ബി.എസ്.എൻ.എൽ നൽകണം. മണ്ണഞ്ചേരി പൊന്നാട് ഷൈജു നിവാസിൽ എസ്.സി.സുനിൽ നൽകിയ പരാതിയിലാണ് ഉപഭോക്തൃ തർക്ക പരിഹാര ഫോറത്തിന്റെ ഉത്തരവ്.
വിദേശ വ്യവസായിയായ അരൂർ സ്വദേശിയെ നേരിൽ കാണുന്നതിന് സമയം ചോദിക്കാൻ സുനിൽ ഫോൺ വിളിച്ചപ്പോൾ സേവനം വിച്ഛേദിക്കപ്പെട്ടു. ചേർത്തല ബി.എസ്.എൻ.എൽ ഓഫീസിൽ എത്തിയിട്ടും പ്രശ്നം പരിഹരിച്ചില്ല. വ്യവസായി തന്റെ കമ്പനിയിലെ നൂറോളം ജീവനക്കാരുടെ പോളിസി ഉറപ്പു നൽകിയിരുന്നതാണെന്നും ഫോണിൽ ബന്ധപ്പെടാൻ സാധിക്കാത്തതാണ് നഷ്ടപ്പെടാൻ കാരണമെന്നും പരാതിയിലുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |