SignIn
Kerala Kaumudi Online
Wednesday, 17 August 2022 10.11 PM IST

മുപ്പത് കിലോമീറ്റർ ബൈക്കിൽ സഞ്ചരിച്ച്  സ്‌കൂളിൽ പെൺകുട്ടികളുടെ ടോയ്ലറ്റിൽ കയറി ഒളിച്ചിരുന്ന 35കാരൻ പിടിയിൽ 

gafoor-

നെടുമ്പാശേരി: സ്‌കൂൾ വിദ്യാർത്ഥിനികളെ ടോയ്ലറ്റിൽ കയറി ലൈംഗികമായി ഉപദ്രവിച്ച കേസിലെ പ്രതി അറസ്റ്റിൽ. പള്ളുരുത്തി എം.എൽ.എ റോഡിൽ മംഗലത്ത് വീട്ടിൽ ഗഫൂർ (35) നെയാണ് ചെങ്ങമനാട് പൊലീസ് അറസ്റ്റ് ചെയ്തത്. കഴിഞ്ഞ 20നാണ് സംഭവം. പള്ളുരുത്തിയിൽനിന്ന് 30കി.മിലധികം ബൈക്കിൽ സഞ്ചരിച്ച് ചെങ്ങമനാടെത്തിയ പ്രതി, അതിരാവിലെ ആരുടെയും കണ്ണിൽപ്പെടാതെ സ്‌കൂളിൽ കുട്ടികളുടെ ടോയ്ലറ്റിൽ കയറി ഒളിക്കുകയായിരുന്നു. കുട്ടികൾ ബഹളം വച്ചതിനെ തുടർന്ന് ബൈക്കിൽ കയറി രക്ഷപ്പെട്ടു.

പിന്നീട് ഒളിവിൽ പോയ പ്രതിയെ രേഖാചിത്രം തയ്യാറാക്കുന്നതുൾപ്പടെയുള്ള ശാസ്ത്രീയ അന്വേഷണത്തിൽ പള്ളുരുത്തിയിൽനിന്ന് പിടികൂടിയത്. ഏഴുവയസുകാരിയെ ലൈംഗികമായി ഉപദ്രവിച്ചതിന് അരൂർ സ്റ്റേഷനിൽ ഗഫൂറിനെതിരെ കേസുണ്ട്. ഇയാളുടെ സ്വഭാവവൈകൃതം കാരണം ഭാര്യ നേരത്തെ ഉപേക്ഷിച്ച് പോയതാണ്. എസ്.എച്ച്.ഒ എസ്.എം. പ്രദീപ് കുമാർ, എസ്.ഐമാരായ പി.ജെ.കുര്യാക്കോസ്, എസ്.ഷെഫിൻ, വി.എൽ. ആനന്ദ് ഏ.എസ്.ഐ സിനുമോൻ, സി.പി.ഒ മാരായ ലിൻസൻ പൗലോസ്, ഷിബു അയ്യപ്പൻ, കൃഷ്ണരാജ്, കെ.പി.സെബാസ്റ്റ്യൻ തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, SCHOOL, SCHOOL TOILET, POLICE CASE, GAFOOR
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.