വലിയ ആഘോഷങ്ങൾക്ക് ഒഴിച്ചുകൂടാനാകാത്ത ഒന്നാണ് വെടിക്കെട്ട്. പലപ്പോഴും വെടിക്കെട്ടിനുള്ള പടക്കങ്ങൾ അപകടങ്ങളും വരുത്തി വയ്‌ക്കാറുണ്ട്. ഇപ്പോഴിതാ യു.എസിൽ 4,500 കിലോഗ്രാം പടക്കങ്ങളുമായി പോവുകയായിരുന്ന ട്രക്കിന് തീപിടിച്ചു. തലനാരിഴയ്‌ക്കാണ് വലിയൊരു അപകടം ഒഴിവായത്.

യുഎസിലെ ന്യൂജേഴ്‌സിയിൽ രാത്രി പത്തരയോടെയാണ് സംഭവം. തീപിടിച്ചതിന് പിന്നാലെ ട്രക്കിലെ പടക്കങ്ങൾ പൊട്ടാൻ തുടങ്ങി. ആകാശം വർണാഭമായി . പിറകേയെത്തിയ വാഹനങ്ങൾ നിർത്തി യാത്രക്കാർ ഈ കാഴ്‌ച പകർത്തി.

പുലർച്ചെ അഞ്ച് മണി വരെ പ്രദേശത്ത് കനത്ത ഗതാഗതക്കുരുക്കായിരുന്നു. സംഭവത്തിൽ അന്വേഷണം നടക്കുകയാണെന്ന് പൊലീസ് അറിയിച്ചു. മുൻപും സമാനമായ സംഭവങ്ങൾ രാജ്യത്ത് നടന്നിട്ടുണ്ട്.

VIDEO: A tractor-trailer carrying a large amount of fireworks caught fire overnight, igniting the #fireworks – shutting down parts of I-287 in #NewJersey. (Courtesy: Albin Forgiarini) More Information - https://t.co/i2bwxqt1Rk pic.twitter.com/DbIsJV9YuE

— News12NJ (@News12NJ) June 27, 2022