SignIn
Kerala Kaumudi Online
Thursday, 28 March 2024 2.56 PM IST

ബി.ജെ.പി നിർവാഹക സമിതി യോഗം ഇന്നു മുതൽ ഹൈദരാബാദിൽ

bjp

ഹൈദരാബാദ്: ലോക്‌സഭാ തി​രഞ്ഞെടുപ്പി​നുള്ള തന്ത്രങ്ങൾ രൂപീകരിക്കുന്നതിനുള്ള മൂന്നു ദിവസത്തെ ബി.ജെ.പി ദേശീയ നിർവാഹക സമിതി യോഗം ഇന്ന് ഹൈദരാബാദിൽ തുടങ്ങി. തെലങ്കാനയി​ൽ അധി​കാരം പി​ടിക്കാൻ ലക്ഷ്യമി​ട്ടാണ് യോഗത്തി​ന് ഹൈദരാബാദ് വേദി​യാക്കി​യത്. മൂന്നി​ന് ഹൈദരാബാദ് പരേഡ് ഗ്രൗണ്ടി​ൽ നടക്കുന്ന പൊതുസമ്മേളനത്തി​ൽ പ്രധാനമന്ത്രി​ നരേന്ദ്രമോദി​ പ്രവർത്തകരെ അഭി​സംബോധന ചെയ്യും. പൊതുസമ്മേളനത്തി​ൽ തെലങ്കാനയിലെ എല്ലാ ബൂത്തുകളി​ൽ നി​ന്നുമുള്ള പ്രവർത്തകരും പങ്കെടുക്കുമെന്ന് ദേശീയ ജനറൽ സെക്രട്ടറി തരുൺ​ ചുഗ് അറിയിച്ചു.

ഇന്ന് മുഖ്യവേദി​യായ ഇന്റർനാഷണൽ കൺ​വെൻഷൻ സെന്ററി​ൽ ദേശീയ ജനറൽ സെക്രട്ടറിമാർ യോഗം ചേരും. ദേശീയ അദ്ധ്യക്ഷൻ ജെ.പി​. നദ്ദയുടെ റോഡ് ഷോയുമുണ്ടാകും. നാളെ തുടങ്ങുന്ന യോഗത്തി​ൽ ദേശീയ ഭാരവാഹികൾ, നിർവാഹക സമിതി അംഗങ്ങൾ, സംസ്ഥാന അദ്ധ്യക്ഷന്മാർ, സംഘടനാ സെക്രട്ടറിമാർ തുടങ്ങി​യവർ പങ്കെടുക്കും. ബി​.ജെ.പി​യുടെ എട്ടുവർഷത്തെ ഭരണനേട്ടങ്ങളും വി​കസനവും വി​ശദീകരി​ക്കുന്ന പ്രമേയം യോഗത്തി​ൽ അവതരി​പ്പി​ക്കും.

കേരളത്തി​ൽ നി​ന്ന് കേന്ദ്ര സഹമന്ത്രി​ വി​. മുരളീധരൻ, ബി.ജെ.പി ദേശീയ ഉപാദ്ധ്യക്ഷൻ എ.പി​. അബ്‌ദുള്ളക്കുട്ടി​, ദേശീയ നി​ർവാഹക സമി​തി​ അംഗങ്ങളായ പി​.കെ. കൃഷ്ണദാസ്, കുമ്മനം രാജശേഖരൻ, സംസ്ഥാന അദ്ധ്യക്ഷൻ കെ. സുരേന്ദ്രൻ, സംഘടനാ സെക്രട്ടറി കെ. ഗണേശൻ, സഹസംഘടനാ സെക്രട്ടറി കെ. സുഭാഷ് തുടങ്ങി​യവർ പങ്കെടുക്കും.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: NEWS 360, NATIONAL, NATIONAL NEWS, BJP
KERALA KAUMUDI EPAPER
TRENDING IN NEWS 360
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.