SignIn
Kerala Kaumudi Online
Tuesday, 09 August 2022 7.54 AM IST

വൈദ്യുതി ക്ഷാമം : പാകിസ്ഥാനിൽ ഇന്റർനെറ്റ് സേവനങ്ങൾ നിറുത്തിയേക്കും

internet

ഇസ്ളാമാബാദ് : കടുത്ത വൈദ്യുതി പ്രതിസന്ധി മൂലം മണിക്കൂറുകളോളം വൈദ്യുതി മുടങ്ങുന്നതിനാൽ പാകിസ്ഥാനിൽ മൊബൈൽ, ഇന്റർനെറ്റ് സേവനങ്ങൾ നിറുത്തി വയ്ക്കുമെന്ന് ടെലികോം ഓപ്പറേറ്റർമാർ മുന്നറിയിപ്പ് നൽകി.

അടിക്കടിയുണ്ടാകുന്ന ദീർഘനേരം നിൽക്കുന്ന പവർകട്ട് ടെലികോം മേഖലയിലെ പ്രവർത്തനങ്ങളെ തടസപ്പെടുത്തുകയാണെന്ന് നാഷണൽ ഇൻഫർമേഷൻ ടെക്‌നോളജി ബോർഡ് വ്യക്തമാക്കി.

ജൂലായിൽ രാജ്യത്ത് അധികസമയം പവർകട്ട് ഏർപ്പെടുത്തുമെന്ന് തിങ്കളാഴ്ച പ്രധാനമന്ത്രി ഷഹബാസ് ഷെരീഫ് പറഞ്ഞിരുന്നു. രാജ്യത്തിനാവശ്യമായ എൽ.എൻ.ജി ലഭിക്കുന്നില്ലെന്നും ഇത് പരിഹരിക്കാനുള്ള ശ്രമങ്ങൾ ആരംഭിച്ചതായും ഷെരീഫ് പറഞ്ഞിരുന്നു.

ജൂണിൽ പാകിസ്ഥാനിലെ ഇന്ധന ഇറക്കുമതി നാലു വർഷത്തിലേറ്റവും ഉയർന്ന നിലയിലായിരുന്നുവെന്നാണ് റിപ്പോർട്ട്. അതേസമയം, ഉഷ്ണതരംഗം മൂലം എൽ.എൻ.ജിയുടെ ആവശ്യകത വർദ്ധിച്ചതാണ് ഊർജ്ജോത്പാദനത്തിന് തിരിച്ചടിയായത്.

ജൂലായിലെ എൽ.എൻ.ജി വിതരണത്തിനുള്ള ടെണ്ടറിൽ പങ്കെടുത്ത വിതരണക്കാർ വലിയ തുക ആവശ്യപ്പെട്ടതിനാൽ കരാർ ഉറപ്പിച്ചിരുന്നില്ല. ഇതാണ് നിലവിൽ എൽ.എൻ.ജി ക്ഷാമത്തിലേക്കും വൈദ്യുത മുടക്കത്തിലേക്കും നയിച്ചത്.

സർക്കാർ ജീവനക്കാരുടെ ജോലി സമയം കുറച്ചും ഷോപ്പിംഗ് മാളുകളും ഫാക്ടറികളും നേരത്തെ അടച്ചുമാണ് സർക്കാർ ഊർജ്ജ പ്രതിസന്ധി മറികടക്കാൻ ശ്രമിക്കുന്നത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, PAK INTERNET
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.