SignIn
Kerala Kaumudi Online
Tuesday, 16 August 2022 6.16 PM IST

'നമ്മൾ അതിജീവിതയ്ക്കൊപ്പം' സർഗാത്മക പ്രതിഷേധം 6ന്

1
protes

കോഴിക്കോട്: ആക്രമിക്കപ്പെട്ട നടിക്ക് പിന്തുണയുമായി 'നമ്മൾ അതിജീവിതയ്ക്കൊപ്പം' എന്ന പേരിൽ ആറിന് കോഴിക്കോട് ടൗൺഹാളിൽ വനിതാ സംഘടനകളുടെ നേതൃത്വത്തിൽ സർഗാത്മക പ്രതിഷേധം സംഘടിപ്പിക്കും. ഉച്ചയ്ക്ക് രണ്ടിന് വിവിധ കലാപരിപാടികളോടെ തുടങ്ങുന്ന പ്രതിഷേധം വൈകീട്ട് എട്ടുമണിയോടെ സമാപിക്കും.

അതിജീവിതയ്ക്ക് നീതി ഉറപ്പാക്കണമെന്നാവശ്യപ്പെട്ട് ഹൈക്കോടതി ചീഫ് ജസ്റ്റിസിന് കത്ത് നൽകും. ഹേമ കമ്മിഷൻ റിപ്പോർട്ട് പുറത്തുവിടണമെന്ന പ്രമേയം പാസാക്കും. മേയർ ഡോ. ബീന ഫിലിപ്പ് പ്രതിജ്ഞ ചൊല്ലിക്കൊടുക്കും.

ചിത്രരചന, ഫോട്ടോപ്രദർശനം, നാടൻപാട്ട്, കഥക്, നാടകം, സിത്താർ എന്നിവ അരങ്ങേറും. അഖിലേന്ത്യാ ജനാധിപത്യ മഹിളാ അസോസിയേഷൻ, കേരള മഹിള സംഘം, മഹിളാ കോൺഗ്രസ്, നാഷണൽ മഹിളാ കോൺഗ്രസ്, മഹിള ജനത, വനിത സാഹിതി, ഓൾ ഇന്ത്യ ലോയേഴ്സ് യൂണിയൻ, വിമൻ ജസ്റ്റിസ് മൂവ്മെന്റ്, വരമുഖി, എസ്.എഫ്.ഐ, ഡി.വൈ.എഫ്.ഐ, എ.ഐ.എസ്.എഫ്, എ.ഐ.വൈ.എഫ് സംഘടനാ പ്രതിനിധികൾ ഡബ്ല്യു.സി.സി അംഗങ്ങൾ, അന്വേഷി, പെൺകൂട്ട്, വനജാ കളക്ടീവ്, പെണ്ണകം ബാലുശ്ശേരി, ശാസ്ത്രസാഹിത്യ പരിഷത്ത്, മഞ്ചാടിക്കുരു തുടങ്ങിയ സംഘടനകൾ പങ്കെടുക്കുമെന്ന് കെ.അജിത, വിജി പെൺകൂട്ട്, ഗാർഗി ഹരിതകം, ഇ.ടി. സുജാത, ഗിരിജ പാർവതി, അഡ്വ.പി.എ.അബിജ എന്നിവർ വാർത്താസമ്മേളനത്തിൽ പറഞ്ഞു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KOZHIKODE
KERALA KAUMUDI EPAPER
TRENDING IN LOCAL
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.